Якутские народные сказки - 2008 (Т. 27)

Кыра кыыс дьиэтигэр кэлэн: — Иннэ* буолан иҥиим, сүүтүк буолан сүтүүм! — диэтэ да, күөх сахсарҕа* буолан, мае быыһыгар киирэн хаалла. Балай эмэ сыппахтаабытын гэннэ, оҕотун биһигэ кычыгырыы түстэ. — Тимир биһик төлөрүй, иилэҕэс тиһик сөлүн! — диэтэ да, тоҕус бэчээтинэй киһи чиккэс гына түстэ. — Оо! Аҕас-балыс кэлэллэрэ чу- гаһаабыт ээ, — диэн баран, тимир ытыгы кулгуйан таһаарда уонна эмэһэтинэн батары аньньан ытыйан кулугуратарын кытта, араас бус- пут балык тоҕунна. Онтон: — Оо! Кэлэллэрэ чугаһаата! — диэн баран, куччаан-куччаан кы- һыл оҕо буолан хаалла уонна биһигэр сытан баран: — Тимир биһик тутулун, иилэҕэс тиһик түмүлүн! — диирин кыт­ та, түмүллэн «кычыгыр» гына түстэ. Кыра кыыс маһын быыһыттан тахеан, аҕаһыгар утары сүүрэн тиийэн, уола хайтах* буолбутун кэпсиэн биэрдэ. Онно аҕаһа кыыһы- ран кэбистэ. —Аата, оҕобун эҥин-эҥин диэҥҥин. Ол-бу диэн кубулунума! — диэтэ. Ол гэннэ кэлэн: — Оҕом бу кэһиитин уурдаҕа! —дии-дии, сиэн хабырҕаппытынан барда. Аччыгый кыыс уһун түүнү быһа ааттаата — суох, кыыһа киирим- мэт. 3 Сассыарда туран, отоннуу баран иһэн: — Чэ, хаалыым даҕаны, — диэн хаалла. Аччыгый кыыс баран балай эмэ отонноомохтоон баран, төннөн истэҕинэ, аҕаһа утары сүүрэн кэллэ: — Тоҕойуом, дьэ кырдьык эбит! Алдьахай*! Ханна куотан абыра- набыт? — диэтэ. Онуоха балта: — Оттон мин туох диэбиппиний? Киһи тылын истибэтэҕин дии... Чэ, ол туох буолуой? Мин санаабар, ити эргэ чугууҥҥа отону оргу- туохха уонна уолбутун сири оҥхоччу хаһан баран олордуохха, ол гэн­ нэ* отоммутун таһааран, үрдүгэр саба быраҕыахха уонна куотуох! — диэтэ.