Якутские народные сказки - 2008 (Т. 27)

көппүт: «Утуйбутум дуу, уҥмутум дуу? Үчүгэйин!» — диэн баран, туран кэлбит. Дьахталлар: «Эрбит буоллаҕа», — диэбиттэрэ, дьахтар буолан хаалбыт. Соһуйбуттар даҕаны, куттаммыттар даҕаны, сааппыттар даҕаны. Үүһээ дайдыга көтөн хаалтар. Үп даҕаны, ас даҕаны, баай даҕаны — чыыста барыта орто дайдыга хаалбыт. Үргэл Тойон кыыһа: — Хаарыан баайбыт хааллаҕын даа7! Төннүөҕүҥ! — диэбит. Күн Тойон кыыһа: — Туох даҕаны иньигэр төннүөм суоҕа8!Мин аҕам сүөһүтүн биир сыллааҕы уруута эрэ! Онуоха төннүөм суоҕа! Үүһээ дайдыга көппүттэр. 13 Үчүгэй Үдьүйэн билиги кыргыттар баайдарын ылан, дьахтарын тириэрэн, хаалаах оҕотун ыныырдаан, илин өттүгэр үүрүүлэнэн, кэ- лин өттүгэр сэтиилэнэн, ойоҕос өттүгэр ырдыыланан, хонноҕун9 иһигэр дьахтарданан, хаалаах оҕолонон аан дайдытыгар, бар дьону- гар, иэримэ дьиэтигэр тиийэн кэлбит. Күн бүгүҥҥүтүгэр дылы байан-тотон олороллор үһү. Сыччах. 20. КУОБАХ КУТУРУГА 1 Куобах Кутуруга диэн оҕоньньор* баара үһү. Икки айыы кыыһа ойохтооҕо эбитэ үһү. Улаханын аата Айыы Күөрэгэй диэн, аччыгыйын* аата Айыы Далбарай диэн эбитэ үһү. Биирдэ кыһын тымныыттан хааттараҥ хааланнар* аһыыр астара бараммыт. Хантан даҕаны кыайан ас булбад дьон* буолтар. Арай оҕоньньордоро туран ойохторугар ырыанан эппит: 1 — Икки дэ, Айыы кыыһа да, Ойохторум да, Таһадьдьа* да, 5 Таһаараҥкыт та, Курдьүктээх тэ, Хаарым да, Үрдүгэр дэ, Уурун- да, 10 Уол оҕо буоламмын Бултаан-алтаан Киирээйэмий дэ!