Якутские народные сказки - 2008 (Т. 27)

— Чөпчөөкөөн-Чөпчөөкөөн, икки ынаҕын баар дуо?! Чөпчөөкөөн-Чөпчөөкөөн икки ынаҕын ыйан биэрэр. Абааһы уола баран сиэн хардырҕатан кээһэр. — Сассын маннааҕар эрдэ кэлиэҕим. Сүбэҕин-санааҕын булунан олороор! — Дьэ сүөһүм баранна, арай күөх эбириэн угуспун* биэриэм буо­ луо, — диэхтиир Чөпчөөкөөн-Чөпчөөкөөн. 5 Бээһээтээҕэр* буукса* эрдэ кэлэн, абааһы* уола тоҥсуйар. Ону истэн Чөпчөөкөөн-Чөпчөөкөөн эмиэ таһылдьа тахсар. — Чөпчөөкөөн-Чөпчөөкөөн, күөх эбириэн угускун бэлэмнээтин дуо?! — Ээ бэлэмнээтим, — диэн баран, Чөпчөөкөөн-Чөпчөөкөөн күөх эбириэн оҕуһун ыйан биэрэр. Абааһы уола баран сиэн хардырҕатан кээһэр. 6 Бээһээтээҕэр буукса эрдэ кэлэн, абааһы уола тонсуйар. Ону истэн Чөпчөөкөөн-Чөпчөөкөөн таһылдьа тахсар. — Чөпчөөкөөн-Чөпчөөкөөн, хотун ойоххун тааһааран кулу! Чөпчөөкөөн-Чөпчөөкөөн эрэйдээх ойоҕун баран сосуһан көрөр да, ойоҕо туох иһин тахсыбат. Ол курдук д<ь>иэ оттотугар астаһа- мучумааннаһа сырыттахтарына, абааһы уола дьиэ аанын өҥөйөн ту- ран, дук гынан, Чөпчөөкөөн ойоҕун харбаан ылан сиэн хардырҕатан кээһэр. Чөпчөөкөөн-Чөпчөөкөөн санаа бөҕөҕө түһэр, ытыыр, муҥатыйар. Кини икки оҕотун, биир борооскотун эрэ гытта хаалла. Уоллаах кыыс аҕаларыгар эппэккэ атах балай тахсан бааттар. Ол баран иһэн уоллаах кыыс урук* икки ынахтара турбут сирдэригэр тиийэн, кугас* торбосторун гытта бырастыылаһаллар. 7 Абааһы уола бэһээҥитээҕэр буукса эрдэ кэлэн тоҥсуйар. Чөпчөөкөөн-Чөпчөөкөөн ону истэн, соҕооҕун ылан охсуһаары тахсы- бытын, абааһы уола сиэн хардырҕатан кээһэр. Уоллаах кыыс итини биллилэр. Уол сүрдээхтик абаккатыйда да, кырата бэт буолан хаалла. Ол курдук сылдьан уоллаах кыыс торбос- торугар кэлэн: — Аата, ат да баҕас буолбаккын! Биһини уһун уорҕаҕар олордон, кэтит мындааҕар салҕаннаран илдьэр да буолбаккын! — диэн этэл- лэр. — Дьэ, тукаларыам, миинэн көрүн! Мооньньум быатын ылан кэ- биһин, ситэн сиэҕэр дылы барыаҕын, — диэхтиир торбосторо.