Якутские народные сказки - 2008 (Т. 27)

биэриэхпин, аҕаҕыт сытыы кылыһын ханна уурарын көрдөрүҥ эрэ. Уонна эппин онон быһаҥҥыт сиэ-аһыа этигит буоллаҕа, — диир. Улахаттара саҥарбаттар, оттон кыралара: —Манна, манна баар! — дии-диилэр сытыы кылыһы була охсон аҕалан биэрэллэр. 10 Чаачахаан-Чаачахаан маһынан ньуоска оҥорор. — Оҕолоор, ылыҥ, төбөҕүтүн тэҥнээн бары тула тура охсуҥ! Бу аан бастакы хамыйахпын биир саамай бэккитигэр биэриэх этим, — диир. Аҥаа моҕус оҕолоро кэлэн кэчигирэччи туран кэбиһэллэр. — Бары бааргыт дуо? — диир Чаачахаан. — Бары, бары! — дэһэллэрин кытта, Чаачахаан-Чаачахаан сытыы кылыһынан уон алта төбөнү эргиччи сотон, сиргэ төкүнүс гыннаран кэбиһэр. Саамай улаханнарын ылан, били кинини буһарыахтаах көһүйэлэригэр күөстээн кэбиһэр. Атыттары оронноругар илдьэн атахтаһыннары сытыартыыр, итиэннэ суорҕанынан сабан кэбиһэр, төбөлөрүн кэчигирэччи сытыартыыр. 11 Сытыы кылыһынан Чаачахаан-Чаачахаан дьиэ түөт муннугунан курдары хаһыталаан кэбиһэр. Аҥаа моҕус үлэхтээх кэмигэр киэһэ сыыгынаан тиийэн кэлэр. Оһоххо күөс оргуйа турарыттан үөрэн саҥа аллайар: — Оҕолорум сыыстара мин эппиппин барытын толорбут буола- буолалар, сыгыйы-сыгыйыктарым! — диэн таптаталаабытынан дьиэтигэр көтөн түһэр. 12 Олоро биэрэн, күөһү таһааран хоргунуттан амсайар: — һук! Хорҕунум* тардар. Чаачахаан-Чаачахаан хаан аймаҕым буоллаҕа дуу! — диир. Миини иһэр: — һук! Мииним тардар. Чаачахаан-Чаачахаан чугас уруум буол- лаҕа дуу! — диир. Сыатыттан амс<ай>ар: — һук! Сыа битим татта. Чаачахаан-Чаачахаан сыа уруум буол- лаҕа дуу! — диир. Этиттэн амсайар: — һук! Эт битим тардар. Чаачахаан-Чаачахаан эт уруум буоллаҕа дуу! — диир. 13 — Оҕолоор, чэ, тура тардыҥ! Чаачахаан-Чаачахааны сиэҕиҥ- аһыаҕыҥ, — диир даҕаны суорҕаны арыйа тардыбытыгар, сэттэ та-