Якутские народные сказки - 2008 (Т. 27)

2 Арай биирдэ сөһүөктэрин аспыттар — кырынаас куоппут. Ма- ныаха дылы кырынаас мап-маҥана эбитэ үһү. — Бу хара түөкүн киирэн, уоран сиир эбит, — диэннэр, эмиэ биир бириэмэҕэ хоруолаах үөт түрэхтэрин тутан тураннар, эмээхиинэ* ас- пыт, оҕонньоро тоһуйбут. Бэлиэлээх таххан истэҕинэ, бэлиэлээх кыа- нарын кыанар сулбу көтөн истэҕинэ, сөһүөк кытыытыгар кыһарыйан, үөт түрэҕинэн кутурук быһаҕыһыгар тарпыт. 3 Онтон ыла ити бэлиэлээх кутуруга үөт түрэх хоруотун курдук хара буолта үһү. 9. ЧЫЫЧААХ ИККИ МАҤЫС1 ИККИ 1 Чыычаах икки маҥыс икки баар үһү. Дьукаакы* буолан олорбут- тар. Куйаас кэлбит. — Сиигирдэҕим2 үһү, — диэбит маҥыс. — Сөтүөлээ дээ, — диэбит чыычааҕа. — Ууга өлөн хаалыам суоҕа буоллаҕа дуу? — Оттон3 туттус даа! — Илиибэр быһа киириэ суоҕа дуу? — Үтүлүктэн дээ! — Үтүлүгүм илийэн хаалыаҕа (суоҕа) буоллаҕа дуу? —Таһааран хатаран кэбис, дээ! —Тоһута хатыа суоҕа буоллаҕа дуу? — Имиттэн кэбис, дээ! — Хайаан хотон имитиэмий? — Балталаан кэбис дээ! — Бай! Хайыта баран хаалыа суоҕа дуо? — Тиктэн кэбис дээ! — Иньэ илиибин суптурута киириэ суоҕа дуу? — Сүүтүктэ кэтэн кэбис дээ! 2 — Кириэһин, иҥин-иҥин тыллаах абааһы! Сиэн кэбиһиэм эбэт! — диэн, маҥыс чыычааҕы хабан ылан, тимир үтэһэҕэ үөлэн кэ­ бис. —Маҥыс, бустум-бустум. Эргит дээ! — диэбит чыычаах. Онуоха эргитэн биэрбит маҥыс. —Маҥыс, бустум-бустум! Сиэ-сиэ! — диэбит чыычаах. 3 Ону маҥыс ылан, бүтүннүү ыйыстан кэбиһэн баран, үтэһэтин салыы олорбут.