Якутские народные сказки - 2008 (Т. 27)

оҥостон, ырыаланан-тойуктанан, ыаһаҕыран-сэһэннэнэн айгыстан бөҕө сылдьыбыт үс дойдуну үрдүнэн хаамтаран, аан дойдуну барытын кэрийтэрэн. Ол сылдьан маннык диэн ырыалаах буола испит: 1 — Дьэ дуо, мин киһи Баҕа баһылык буоламмын, Хараҥа далай тойонтон, Көс уулаах дьэбэрэкэ тойоннуттан 5 Көҥүл ыламмын, Күн дэлэгэй сиригэр Күүлэйдиир санаа булунаммын, Икки хос тиистэммит Улуукан күтэри көлөнөммүн, 10 Үс кырыылаах Манчаары от батастанаммын, Ох саа оҥостоммун, Сөкү төрдүн буламмын, Токуччу баайаммын, 15 Кылааннаах сэп оностон, Ох гына ыта оонньуу испитим, Манчаарылааҕы баһынан, Тыымпыны улаҕа өттүнэн, Күөрэлээҕи илин өттүнэн 20 Күүлэй бөҕөтүн күүлэйдээтим. Төккөлөөх алааһын соҕуруу баһыгар Хараҥа чүөмпэ таһыгар тиийэн, Күтэр кыылым богдорус гынна, Онтон таралыс гынна, 25 Тас иэмминэн ыыппыта. Онтон бэттэх Мин тас иэним дьураалаах, Харалаах, өссө кыһыллаах. Онон баҕа оннук ойууланан турар, күн уота сиэн диэн буолар. 8. КЫРЫНААС КУТУРУГА ТОҔО ХАРАЛАММЫТА 1 Кырынаас* былыргыттан уоруйах. Уоруйах буолан, биир ыалга киирэн, өтөр-өтөр уоран, сөһүөктэн хаһааммыт арыыларын сиир идэлээх. — Туох бэйэлээх уоран, бу арыыбытын сиир баҕайыный?! Куту- йах да буолбатах быһыылаах, — диэннэр, сүрдээҕин кэтэспиттэр-ма- наспыттар.