Якутские народные сказки - 2008 (Т. 27)

оооооооос^оэоооооооэ ХАМСЫЫР ХАРАМАЙ ТУҺУНАН ОСТУОРУЙАЛАР 1. ЭҺЭ УОННА САҺЫЛ 1 Былыр эһэ уонна саһыл буоланнар туох да алые* доҕордуу эбит- тэр. Олорор олохторугар, сылдьар сырыыларыгар, бултуур бултарыгар кыттыгас эбиттэр. Кыһын буоллар эһэ утуйар, оттон саһыл буоллар утуйбат. Онон эһэ доҕоругар саһылга этэр: — Эн кыһын ханна да барыма. Суолгун көрөн, сонордоон кэлэн өлөрүөхтэрэ. Онон миигин кытта утуй, — диир. — Суох. Ханна да барыам суоҕа. Эрэн. Доҕорбун эйиигин быраан кэбиһиэм дуо? — диир саһыл. 2 Эһэ утуйар. Саһыл буоллар утуйбат, куруук айдаара-мэнигилии сылдьар, эһэҕэ биэрбит бигэ тылын кэспэт. Ол да буоллар салгыҥҥа тахсыан олус баҕарар. Аанын аһан, таһырдьа уһун күн устатын туха- ры сүүрэр-көтөр, дьиэтигэр ыкса түүн кэлэр. Күн аайы ол курдук күүлэйдиир. 3 Арай биирдэ алыс айдааран, эһэтин уһугуннаран кэбиспит. Дьиэтигэр кэлбитигэр, эһэ туран саһылы иэнин тириитин хараҕар көллөрөр* таһыйар. Онтон ыла саһыл күүлэйдээбэккэ, биир сиргэ сытар. Сыккырыыр сырдык тыына, үккүрүүр үрүҥ дууһата эрэ, саһыл барахсан тулуйубунна* кыһыны туоруур. 4 Саас буолар, эһэ арҕаҕыттан тахсар. — Дьэ, күүлэйдээ, дьэ, оонньоо! Оонньуур-күлэр кэм билигин буолла, — диир эһэ. Ол курдук иккиэн сылдьаллар. Эһэ туох да алыс үгүрүөттэн соһуйар, куттанар, онно саһыл күлэн быар аҕай буолар*. Ол аайы эһэ уордайан, саһылы өлөрбөт эрэ, таһыйан. Төрүт саһыл эһэни кытта бииргэ сылдьарыттан, тулуйарыттан ааһар. Эһэттэн хайдах гынан куотар ньыматын булунар-толкуйданар. Арай биирдэ саһыл эһэҕэ этэр: — Эһээ, доҕоор, эн туохтан куттанаҕын? — диир.