Несказочная проза алтайцев. - 2011. (Т. 30)

ойндо оныҥ тынын кийдирер арга jок болгон болтыр. Онойдор- до, ол кижини, ийт болгон болтыр, ол тушта ийтти каруулдат койгон болтыр. — Сен ары-бейн барба, мыны коркышту каруулдаптыр. Неге- неге учуратпа, неме, неге-неге билдиртпе — деп. 2 Качан Быркан ол кижиниҥ тынын бедиреп, ол кижиниҥ jажын бедиреп jÿре берерде, Алтыгы ороонноҥ Эрлик-бий деп неме чыккан болтыр. Эрлик деп неме чыккан болтыр. Ол чы- гала, кöр тургажын, эм бу кижиниҥ тынын кийдирерин ол билген болтыр, тын экелерин. Ол ийтти айткан болтыр. Бойы дезе база бир jерге общем* чычып салган болтыр. Ол ийтти айткан: — Бу болчоктыҥ арjанда cere курсак jазап койдым. Сен оноҥ барып, ажан ал — деп. — Мен сен учун каруулдап отурайын — деп. 3 Онойдордо, ийт дезе курсакка болуп, курсак jиирге jÿре бе­ рерде, Эрлик-бий дезе, байа кижин тынын кийдиреле, оноҥ бай­ агы: «Jе, ийт — кижиниҥ нöкöри, ол нöкöр болзын! Сениҥ jаҥыс богыҥды jип jÿрзин» — деп, Эрлик-бий оной айткан бол­ тыр. Эрлик-бий оной айдала, jÿре берерде, Быркан jедип келтир. Байа кижиниҥ тынын экелеле, тын кийдирер деп келгежин, байа кижини Эрлик озолоп алкайла, jÿре берген. 4 Jÿре берерде, Быркан ондый öҥбос-öчпöс, ондый jam экел- ген болтыр. «Jе, канайдар? Ондый болгон болзо, бу jашты, бу мöҥкÿни агаш-ташка ÿлейтен турум» — дейле, чибиге, мöшкö, jойгонго, ондый оҥбос агаштар эдип, онойто тургускан болтыр. (Оной jайакойон бо? — Эйе.) Ол аайынча дезе, ол ийт дезе кижиниҥ нöкöри болтыр, кижинеҥ ырабас. Онойто буткен неме болтыр. 5. КУДАЙ БЕРГЕН КУРСАК 1 Jебрен-jебрен öйдö jерде аш бÿткен. Ол аш — арба болгон. Арба öссö, онын ажы саламныҥ тöзинеҥ ала бÿдер, бажына чыгара. Алдынаҥ öрö, тазылынаҥ ла баштап.