Несказочная проза алтайцев. - 2011. (Т. 30)

ган эмтир. Олордыҥ кезиги кудайдыҥ сöзин укпаган тындулардыҥ jÿрÿми де кыска болуп барды, jакшы уккандарыныҥ jÿрÿми узак болуп барган эмтир. Улустыҥ да jÿрÿми анайып барган эмтир дежет. Эрлик ол бойынча jÿрÿми кыска улустыҥ тынын алып jÿретен эмтир. Кезик улус jÿрÿм узак jÿрÿп jат, ол эмеш кудайдыҥ сöзин чын уккан деп айдыжатан эмтир. 3. JЕР-JЕҤЕСТИҤ КАНАЙДА БÿТКЕНИ 1 Канча ÿйе мынаҥ озо jер деп неме jок, бастыра теҥис-талай болгон. Ол öйдö тöрт карындаш улус болгон. Тöрт карындаш бир кÿн шÿÿшкен: — Кандый да болзо бу талайдыҥ тÿбинде тобрак бар — деп. — Ол талайдыҥ тÿбинеҥ тобракты экелип, талайдыҥ ÿстин- де jер бÿдÿрер — деп айдышты. Эҥ jаан агазы талайдыҥ тÿбине тÿшкен. Оноҥ тобракты ба- рып таап алган. Тобракты эки колына ууштанып алган. Эм са- нанып турза: «ÿч карындажыма тобракты апарып берер болзом, олор jерди эдер. Mere дезе башка jер керек» — дейле, тобракты оозына база уруп алды. Талайдыҥ ÿстине чыгып келип, ÿч кичÿ карындажына эки колындагы ууштанып экелген тобрагын берип турат. 2 ÿч кичÿ карындажы тобракты алала, талайдыҥ ÿстине сееп, jер-jеҥести бÿдÿрип jÿрет. Jер-jеҥес бÿдÿп барып jадарда, оозына тобрак уруп алган эҥ jаан аказы jерле кожо jер болуп бÿдÿп барып jадат. Ол öйдö ÿч кичÿ карындажы кыйгырышты: — Кайттыгар, акабыс? Оозыгарда тобрагарды тÿкÿригер, ка- кырыгар! Jерле кожо бÿдÿп барып jаткан акызы оозында тобрагын тÿкÿрерде, jаҥы бÿдÿп келеткен jер-jеҥес тÿрÿлерде, кайыр туулар болуп тÿрÿлип артып калган. 3 Тÿкÿрип, какырып та ийзе, jаан аказы тÿҥей ле jерле кожо jердиҥ алды дööн jÿре берди. Оноҥ ойто jаан аказы jердиҥ алдынаҥ чыгып келди. ÿч кичÿ карындажынаҥ сурап турат: — Jе, jастыраны мен эткен де болзом, талайдыҥ тÿбинеҥ тобракты мен алып чыкпай. Mere айыл ордынча jер беригер — дейт.