Несказочная проза алтайцев. - 2011. (Т. 30)

Кудай Маҥды-Ширени кöргöн, айткан: — Jе, Маҥды-Шире, пÿгÿн пар! Оны сÿрöрÿҥ, санагаҥа jеде- риҥ. Сен пек полорыҥ, сен тыҥ кÿч полорыҥ. Мениҥ тыҥ кÿч алгыжым сее jетсин! — теген. Маҥды-Шире сÿгÿнÿп, каткырыб ийген, айткан: — Мее мултук jок, садак jок, jыда jок, ÿлдÿ jок, jаҥыс ла кызыл кол, канайп мен парарым? — теди. Кудай айткан: — Сенде ненебиле парарзыҥ? — теп. Маҥды-Шире айтты: — Мее неме jок туру, путбыла тебедим, колбыла таштап ийедим — теди. 15 Кудай айтты: — Сен мыны ал! Jыда ал! — теди. Маҥды-Шире jыда алды, теҥерее парды, Эрликти jеҥди, ка- чырды. Эрликтиҥ теҥеризин jыдабыла оодып салды. Ончо анда- гы jерге тÿжÿргöн. Ол чактаҥ озо таш jок полды, кайа jок полды, тайга jок полды. Эмди Эрликтиҥ теҥеризиниҥ одылганы jерге тÿшкен, ончо кайа полгон, таш полгон, тайга полгон, кандый пийик туу, кыр ончо полгон. Jакшы Кудайдыҥ тÿп-тÿс эткен jерди ончо jаман пÿдÿп парган. Оныҥ кийнде Маҥды-Шире Эрликтиҥ албатты кижилери теҥеридеҥ тöмöн, jерге таштагылап; пир кижи сууга тÿжÿб, öлдÿ, пир кижи малга табарыжыб, öлдÿ, пир кижи турган агашка та- барыжыб, öлдÿ, пир кижи пазып jÿрген кижее табарыжыб, öлдÿ, пир кижи ташка табарыжыб, öлдÿ — ончо öлдÿ. 16 Эмди Эрлик Кудайдаҥ jер сураган: — Мениҥ теҥеримди оттыҥ, менде эмди jер jок, — теди, — мее эбеш jер пер! — теди. Кудай айтты: — Jок, мен сее jер пербессим — теди. Эрлик айтты: — Мее пир jаҥыс кыра крелÿ jер пер! — теди. Кудай айтты: — Jок, срай пербессим. Эрлик айтты: — Пеш кулаш jер пер! — теди.