Несказочная проза алтайцев. - 2011. (Т. 30)

Агашка пайагы jылан чыга берген. Пайагы Кудайдын кижи- ни jибе теген ажын jылан jиген. Тöрöнöй теген кижибиле кыс кижи кожо jÿрген, ол кыстыҥ ады Эjий полгон, аларга jылан айтты: — Тöрöнöй, Эjий, мынаҥ jигер! — теди. Тöрöнöй айтты: — Jок, канайып мынаҥ jиирге? Кудай пойы jибе теген, мен jибессим — теди. Оныҥ кийнинде jылан кыска аш перди. Эjий оны jиди. Jип ийзе, аш сÿрекей татучак болды, Тöрöнöй jибеди. Оныҥ соондо Эjий ашты сындыра тартыб алды. Тöрöнöйдиҥ уузына сÿртÿб ийди. Эмди алардыҥ тÿгÿ тÿжö берген, уйалыжа бердилер, пирÿзи пир агашка jажына баады, пирÿзи пашка агашка jажына баады. 8 Оныҥ кийнинде Кудай келди, Кудай келзе, улус ончозы Кудай- даҥ jажына берген. Кудай кычырган: — Тöрöнöй! Тöрöнöй! Эjий! Эjий! Кайдазыҥар? — теди. Кудай кычырарда, алар айттылар: — Агашта туруп jадыбыс, пис слерге парбассыбыс — теди- лер. Кудай айтты: — Тöрöнöй, сен кайттыҥ? — теди. Тöрöнöй айтты: — Мениҥ уузума Эjий сениҥ jибе теген ашты сÿртÿп ийди — теди. Кудай айтты: — Эjий, сен кайттыҥ? — теди. Эjий айтты: — Мени jылан «jи» теп айтты — теди. 9 Кудай айтты: — Jылан, сен кайттыҥ? — теди. Jылан айтты: — Мениҥ ичиме кÿрмöс кирген, мен айткан эмессим, кÿрмöс айткан — теди. Кудай айтты: — Кÿрмöс ичиҥе канайып кирди? — теди. Jылан айтты: — Мен уйуктап калдым, уйуктаганымда, м енин ичиме кÿрмöс кирди.

RkJQdWJsaXNoZXIy MTY3OTQ2