Несказочная проза алтайцев. - 2011. (Т. 30)

Кудай айткан: — Сен де каан, мен де каан, ол мениҥ алматтым — теди. Оныҥ кийнинде Эрлик айткан: — Алматтыҥды мее перишкин! — теди. Кудай айтты: — Jок, мен сее пербессим! — теди. — Сен сакыпла jÿр! — теди. Эмди Эрлик пойына айтты: «Акыр! Акыр! Мен Кудайдыҥ алматтызын кöрöрÿм!» — теди. 6 Эрлик парды, парды, jетти. Кöрзö — кандый кижи, кандый аҥ, кандый куш, не де тынду — ончо кöрдÿ. Эрлик айтты: — Мыны Кудай канайып эдиб алды? Мен оны аларым теге- ним, канайып мениҥ айткан сöзимбиле пÿдÿп jат? Пу улус нени jип jадыры? — теди. Эрлик пир агаштыҥ пир jанынаҥ jип турганын, пир jанынаҥ jибей турганын кöрöлö, айтты: — Слер jаҥыс мынаҥ не керек jип туругар? — теп сура- ДЫ. Анда пир кижи айткан: — Пистиҥ Кудайдыҥ айткан ажыбыс ол! — теди. — Кудай кижилерге айткан: «Пу тöрт пудактыҥ ажын jибегер! — те- ген. — Кÿн чыгаткан jанында пеш пудак пар, мыныҥ ажын jигер!» — теген. Анайып айдала, пойы теҥерее чыкты. Агаштыҥ тöзÿне ийт салды: «Кöрмöс келзе — тут!» — теп салды. Анаҥ пашка пир jылан салды: «Кöрмöс келзе — чак!» — теп салды. Оныҥ кийнинде Кудай ийтке, jыланга айткан: «Кÿн чыгар jанын- да пеш пудактагы ашты jийин теген кижини jут! — теген. — Ол торт пудактагы ашты jийин теген кижини jутпа! — теген. — Оныҥ учун пистиҥ ажыбыс ол!» — теди. 7 Кöрмöс Эрлик оны уга келе, агашка парган. Тöрöнöй теген кижи­ ни анда тапкан, аа айткан: — Кудай слерге: «Пу пеш пудактагы ашты jи — теп айт­ кан, — ол торт пудактагы ашты jибе!» — теп айткан. Ол тöгÿн, ол чын эмес, пу пеш пудактагы ашты jибегин, ол торт пудакта­ гы jигин! — теди. Анайып кöрмöс айдала, пайагы jылан уйуктай перген, кöрмöс jыланныҥ ичине кире берген. Jыланныҥ ичинде кöрмöс айткан: — Ол агашка öрö чык! — теди.