Несказочная проза алтайцев. - 2011. (Т. 30)

5 Бир катап эки карындаш аҥдап jÿре берерде, Jытасай сыҥар мÿÿстÿ уйын саап баштаган. Эки-ÿч катап эмчекти тартып, саап отурарда, jанында турган агаштыҥ кöксиндеги будакты ок-jаа- ныҥ огыла кем де сый адып ийген. Jытасай мыны кöрÿп ийген. Ары-бери кöрзö — Алтын-Кöлдиҥ ол jанында сары-сойоҥдор толуп калган эмтир. Келин уйын анаҥ ары саай берген. Jаан удабай саап отурган уйы тыртас-тыртас эткен. Кöрзö — ок-jаа- ныҥ огы ийнектиҥ сыҥар мÿÿзин сый адып ийген эмтир. Jытасай уйын jетире саап, айылга кирип, тöжöгинде jаткан кайны адазы Jарнак-Кайраканга бу болгон керекти — ончозын айдып берди. 6 Jарнак-Кайракан айтты: — Баштапкы атканы — аjару эткени. Экинчи атканы мени тирÿ бе деп сурап угарга jÿрген улус эмтир. Бу сары-сойоҥныҥ черÿзи кайуга келген. Оны каа бойы ийген. Jарнак-Кайракан öлгöн болзо, jер-Алтайын анаҥ jуулар деп. Эм мыныҥ кийнинде кыйгы чыгар. Оны чыгала, сен jазап тыҥдап ук — деп, учында jакарды. Келин чыгып, суу-кöл одоштой угуп турза, эмди Ыйык-Баш jердеҥ jаан удабай сойоҥныҥ кыйгызы ол jанынаҥ угулды: — Jарнак-Кайракан ÿйде бе? Jаа-кастагы белен бе? Кайракан-Jарнак айлында ба? Кастак-jаазы колында ба? Jарнак-Кайракан ÿйде болзо, Jаа-кастагы колында болзо, Кайракан-Jарнак айлында болзо, Кастак-jаазы колында болзо, Эртен тура сары таҥда Ээрлÿ jакшы ат тургузарыс. Алтын-Кöлди ажыра алты кат токумды Айылдыҥ эжигинеҥ öткÿре атсын! 7 Алты кат токумды ÿтей адала, Ар jанында атты öлтÿре атпаза, Jеерен-Кöлди* кечире jети кат токумды Ойо адып, кийнинде атты jыга атпаза,