Несказочная проза алтайцев. - 2011. (Т. 30)

10 Jалду-Боочыда мÿргÿÿл эткен. Боор: — Эрчиш-Бажы алтайыска тайыйлык, мÿргÿйлик! — деп, ал­ батыны ээчиткенче, Куу-Тууга чыгып, кÿрее-тагыл тудуп, мÿргÿл баштаган. Айакка сÿтти урган. — Алты кырлу Албуган! Он эки ташту алтай! Эрчиш-Бажы алтай! — деп айдып, сÿттÿ айакты чачкан. Айак jок. — Айакты тегин бедиребегер! Ол айак табылбай калар. Ыраак алтай. Эрчиш-Бажы алтай деп мÿргÿбегер! — деген Боор. Боочыга чыгып келеле, чай азып ичеле, отурала, куучында- ган: 11 Орустыҥ Темир-Чагаан-каан* болор, Чагы кыска каан болор. Ол Темир-Чагаан-каан тужунда, Алкы бойорды, ак малын да беш сабарла тоолоп келип турар. Аҥканынаҥ ажыра аш бÿдер, Алып, jип болбой турарлар. Ол тушта Темир-Чагаан-каан эткен курсагында Тöртöн эки таҥмалу батыр кара чай чыгыр, Оны ичип турарлар. Эжигинде ээгел кара товар чыгар*, Оны эдинерер. 12 Тосток сары мал бÿдер, Оныҥ он ÿделик jерге jоругы jок болор. Тосток сары арба бÿдер, Ичип турза, коолы jок болор. Алты пуд арбаны алтан кÿнге jиир. Темир-Чагаан эткен ажында он jети jÿзÿн аш болор. Ол аштаҥ картоп деп курсакты карын jакшы курсак деп, jип отуралар. Азыраган тöрт jÿс малында «Карыш сööмдÿ какай деп мал бар» деп, Карын jакшы мал деп, азырап отурарлар. 13 Темир-Чагаан-каанныҥ эдер немезинде, Айыл ортодо, тыныжы jок кöк бука огурып, м ан тап турар. Кöк теҥистеҥ кок буказы огурып келер. Канча муҥ товарларын тартып алып келип турар. Jаҥыс аттыҥ кылыла эки киж и болуп эрмектежип турар.