Несказочная проза алтайцев. - 2011. (Т. 30)

jайзаҥы орус каанга барала, бойыныҥ кÿÿниле ого баккан. Оной ло ойто алтай албаты амыр jуртай берген эмтир. 145. АМЫР-САНАА КЕРЕГИНДЕ 1 Ойроттыҥ угынаҥ чыккан jеен кижи — Амыр-Санаа. Оноҥ чыдаган кийнинде, Ойроттыҥ ортон уулы Табачыла jуу-чакты баштаган. Кара албатыны кырып, мал-ашты айдаган. Учында таайлу-jеендÿ бир jерге келеделе, Амыр-Санаа айт­ кан: — Эртен бу jерде бис экÿ туштажар турус, таай. Эртен тура баргажын, Амыр-Санаа jортып клееткен Табачы- га айтты: — Таай, мен jаҥыскан келеримде, слер албатыны ээчидип келдер бе? Бу ла öйдö, Табачы кайра кöрöрдö, Амыр-Санаа саҥыдын кезе адып ийген. 2 Бу керектиҥ кийнинде Амыр-Санаа качкан. Алтай уранкайдыҥ черÿзи баштаган Морбо-бий ле Серпе-бий Алтайдыҥ ÿстине ток- тотпогон. Онойып ла турганча, кача берген. Ол кöрмöс Ильдин- ский талайды тоҥурала, кече берген. Кийнинеҥ барган эки бий, тош кайылала, ага береде, jадып калган. Алтайдыҥ уранкайы не де jок артып калган. Алтайдыҥ уранкайы jадала, монголго багар деген. Монголго кижи ийип, учында jöптöшкöн. Монгол jеринеҥ он тööгö кош- тогон jööжö келерде, Алтайдыҥ уранкайы öлтÿреле, ÿлежип алган. Экинчи катап келерде, база онойып ÿлешкен. 3 Монгол черÿзин jууган, камык батырды аткарган. Батырлар- дыҥ бажында Чадак-батыр турбай кайтты. Кöö тонду батыр, Торотой-батыр, база мында келген турбай. Алтайдыҥ уранкайы удура jуулашкан. Алтайдыҥ ÿстин айланып, саадакла jуулашкан. Кижи болгон кижи албас, аҥнын мÿÿзинеҥ эткен, jети текпелÿ болгон, бир тууныҥ бажынаҥ бир тууга jетире адып турар.