Несказочная проза алтайцев. - 2011. (Т. 30)

Калдан-Ойрот канча тÿмен батырларын jууп, jакару берди: — Шунуны барып, jер-тамыдаҥ чыгарып, экелер — деп. Калдан-Ойроттыҥ канча батырлары jетен кулаш jер-тамыны казып, Шунуга jедип бардылар. — Калдан-Ойрот каан адаҥ бисти сеге ийген — дийт — экелзин деп. Эjен-кааннаҥ ÿч текпелÿ темир jаа келген. Оны барып сени тартсын деген — деп айттылар. 10 Оны уккан Шуну-батыр айдат: — Барарда мен барбазым, мынаҥ чыкпазым — дейт. — Бу- рулаарда, мени нениҥ учун бурулаган? — дейт. — Öчööрдö — мени öчöгилеген, ченеерде — мени ченегилеген. Эм мен олорго не керек? — дейт. — Jакшылыкта jадарда, бурулайтан кижи — мен, jаман-jеткер келерде, ойто аткан-бöкöнгö jÿретен кижи мен бе?! — деп мойноп турат. Калдан-Ойроттыҥ батырлары ойто келип, каанына «барба­ зым» деп мойно койды, деп айтты. Оны уккан Калдан-Ойрот эм канайдар аргазын тапай турды. Эрке-Шуру-эjези айдат: — Эмди мен барып кöрöйин — дейт. Эт семизинеҥ кайнадып, курсак jазайт, аракы-чегенинеҥ бе- летеп, Эрке-Шуру-эjези барат. Эрке-Шуру-эjези аракы-чегенин уруп, аш-курсагын салып, Шуну карындажына комудалын айдып турат: — Тас карынга кожо jаткан jогыс па, тату эмчекти кожо эмген jогыс па? Сок jаҥыс карындажым, кайттыҥ? — дейт. — Калдан-Ойрот-адаҥ сеге jаман сананды не, кара jаҥыс эjеҥ, мен jаман сананган эмезим. Мениҥ кÿÿнимге бу тамынаҥ чыксаҥ кайдар, мениҥ кÿÿниме барып болушсаҥ кайдар? — дейт. Сымылтыныҥ куjурын Сыгын jизе, кайдарыҥ? Кара jаҥыс эjеҥ Олjого барза, кайдарыҥ? Эjен кыдат черÿзи Jуулап келедири — деп кожоҥдоды.