Несказочная проза алтайцев. - 2011. (Т. 30)

бöслö кресттей буулап койгон келген. «Сен jаҥысла ол бöс лö эки кара jылан эдериҥ деген. Артканын албаты cere jазаар» — деп. Камныҥ кийер кийими башка: тÿҥÿр, орбызы — бастыра аҥылу. Эм анда jÿрерде, кöндÿре айдып берген. Кыска кöгÿспек тон, тере тон, кöбöк сööктÿ ÿй кижи кöктöп берер деп, штанды* база башка сööктÿ ÿй кижи кöктöп берер, деп айт берген. Jуртта мындый улустар бар, деп айт берген. Кöбöк сööктÿ Кöкö- рÿниҥ кижизи тÿҥÿрди сен эдип берериҥ, деп айдып берген. 6 Улаганнаҥ бери Токпок деп jер бар. Jаан Токпок, Огош Ток- пок. Бот анда, Огош Токпоктыҥ jанында, ÿч аспак бар. Айбы­ лаган кижи мен барбазым, деп айткан. Ол нöкöрлÿ барып, ÿч аспакты кесип, экелген. Тÿҥÿри бÿткен. Эм оны тереле jабар керек. Тере керек. Текенин терези керек. База ла мындый сööктÿ кижи, jуҥма (тижи теке) турар, оны адала экел берзеҥ, тÿҥÿр jабар тере болор деп. Ол кижи эткен jакарузын. Эм ор- бызын эдерге jуҥманыҥ туйгагын экел, деген. Анаҥ бöрÿк керек. База бир кижиге айткан, таспа сööктÿ кижиге: «Кара-Кайа деп jер бар, сен орто барзан, ондо ÿкÿ оту- рар, оны адала, экел — деп. — Онон бöрÿк эдер» — деп. Укÿниҥ терезинеҥ бöрÿк эткен, ÿлбÿрек деп канаттарлу бöрÿгинде. Байагы килиннен эки jылан эткен. Кийис айылдын эжигинин эки jанына эдип койор. Оноҥ канай-канай jаман неме айылга келзе, ол jылан кыймыктап, jылып баштаар дийт. Онын учуры jаан. Ол айылга jаман неме келбезин деп эткен неме. 7 Бастыра неме бÿткен кийнинде, ол камдап баштаар. Эптÿ jакшы сöстöр керек. Ол сöстöр бойынаҥ ла чык jат. Оны тегин кижи айдып болбос неме. Ары jанынаҥ кöрмöскö айдып jат. Камдап тартынган чалулары болгон. Ол jети чалулу — jети болушчызы болгон, ол бастыра немени билер: кижи неден оору-