Несказочная проза алтайцев. - 2011. (Т. 30)

Ол майман кижи öскÿс балага килейле, учкаштырып алала, экелиптир. Ол öскÿс кыдат уулчак чыдарда, кара-майман ол азы- рап алган öскÿс уулды айылду-jуртту эткен. 2 Ол уулчактыҥ мÿркÿдÿн эжик бажын коруур байана эдип бай- лаган. Каршит деп jаан куш тÿндÿк коруур байана-кудайы бо- луптыр. Ол öскÿс сööк jок болгон учун, оныҥ сööгÿн: «Jабарып келген jабыр, сööгÿҥ jабыр болсын» — деп jap эткен. Оноҥ бери jабыр- майман сööк болуп калган эмтири. Ол öйдöҥ бери jабыр ла майман алышпас. Кöгÿл-майман, кара-майман, jабыр-майман ка- рындаштар болуп калган тежет. 124. КЫПЧАКТАР 1 Кыпчактардыҥ база бир болгон немези — мындый деп туран не... Бир сап-сары, сары-корон jылан jуртаган. Ол сары-корон jылан дезе jаантайын ла jаткан улуска jаман неме эдип турган. Бир кижиниҥ аҥчы ийдин чаккан ла, бир jокту кижиниҥ сок jаҥыс адын чаккан ла, бир jокту кижиниҥ камык балдарын азырап отурган уйын чаккан ла... Jе ондый jылан болгон эмтир. Ол jыланды ÿзе ле улустар кöрбöйтöн. ÿзе ле jаман, мындый ла jылан деп турар. 2 Оноҥ дезе бир jокту кижиниҥ уйы öлÿп каларда, jаҥыс бо- зузы арткалан. «Эм бу ла бозум чыдаар, балдарыма уй бол- бой» — деп jатканча, ол jылан келеле, чак койордо не, ол jок- ту кижи оны öлтÿре ташла балчара согорго келеле, мынай айт- тыр: — Тьÿк, мен сен ушкуш албатыга оной jаманым jетир jÿрзем, туку ла качан ол калар эдим! — деп не. — Сен, jе, бир jакшы неме сен эттиҥ бе албатыга? ÿзе ле jоктуны ыйлаткаҥ, ÿзеле кöзин jажын ичтиҥ, бир де jакшы неме этпедиҥ! Тьÿк, сендий jаман! Сениҥ тен мынайып jыл брааткан jылыжыҥ да jаман, сениҥ короныҥ да jаман, албатыга тен бир оҥду неме эткениҥ jок! — деп не. Оной айдарда, ол jылан кижиге айткыладып jÿререле, айт- тыр: — Акыр, мен сениҥ ач-ÿренинди кöрöйин, сениҥ бала-бар- каҥды кöрöйин, мен ушкуш не бол калбазын! — деген. Оной айдала, ол jылан jÿререн.