Несказочная проза алтайцев. - 2011. (Т. 30)

ойыкта неле немени эдип койор деш jат. Улус эткен ойындарын улус апар jат. Ойто ло келип, эдип койор деш jат. 96. АЛМЫСТЫ JОГОЛТКОНЫ 1 Таш бичиктÿ öй тушта, айга-кÿнге мÿргÿÿлдÿ öйдö, ачылар- jабылар куучынду тушта, ол öйдö Алтайда Боjоты деп томjылу, эбеш бай кижи jуртаган. Боjоты эки уул, бир кыс балалу деер. Онойып ол Алтайда коо-чабдар öҥдÿ, маҥдайында jылдыс тÿҥейлÿ, чичке кичинек маҥдайынаҥ тумчук тööн акту, бее мал болгон. Энедеҥ чыгарда jал-куйругын кеспеген мал. Онойып Боjоты jыл- дын ла мал Алтайга ыйыктаган. Ыйык малга, ак нокто ак мал- дын jалына эткен. 2 Ак чылбыр буулар, кÿнниҥ чыгыш jаны jаар баштандырып, чаал кайынта буулайла, чÿрмежине, jалына jалама буулар. Ак öҥдÿ бöсти аркагына jыртала, эҥилеле jыртпас, агаш айакка сÿт урала, тöстöк jерге чыгып, кÿнчыгыш jаар осонып, Алтайын ал- каар: Сыны тÿҥей тайгаларым, Сырт jаныгар кöö корум, Арташ сÿрлÿ тайгаларым, Алды jаны ай корум. Эҥчей кöргöн сÿÿри бажыгар, Элди-jонды карап кöргöн, Алтын суузыла сÿртинген бажыгар, Акты-кöкти бириктирип турган! 3 Орö турган ÿч-Курбустан-кудай, Киндик тÿҥей бÿткен ÿч-Курбустан, Абы-Быркан! Селт этсегер — киндиги jаҥыс, Силкин jатсагар — тыныбыс jаҥыс, О-о-о! Алтайым! Алу-Быркан, кудайым! Алу-Jеҥис — Jер-Эне! Алтай киндик-салымыс тудуш, Аржан-кутук суугар Албатыла каны тудуш.