Несказочная проза алтайцев. - 2011. (Т. 30)

Бирÿзи кöрöлö, айдар: — Jе, сен тутыртатан болзоҥ, бу бойыҥ. Мен бого не тутыр- тан эдим! 3 Топшуурды алала, байаа бала учерен теҥеридööн. Бирÿзи ики- лизин алала, суудööн калыйген. Келтен болзо, не де jок. Кыс- тардыҥ изи арт калган. А таштыҥ ÿстинде икили салган ис jадыры. Ойнойло, топчуур салган ис jадыры. Уулдар агаштаҥ jыгала, jандайла, ол ого тÿҥейлеп салган. Икилизине салала, агашты икили эткен, топчуурына салала, топчуур эткен. Анаҥ ары икили, топчуур башталган. Ол андый неме не дезе? Ол топчуурды, икили деп немени тиру быркан база ойнойтон неме деп легенда* бар. 69. ЭНЕМ ИКИЛИ , КОМУС ТАРТЫП ТУРГАН Энем икили, комус тартып турган кижи. Jаш тушта койлоп турала, комустап турала, уйуктап калган. Jаман неме табарган. Оныҥ кийнинде энем тыҥ оорыган. Эки айга билинбей jаткан. Кам да кижини алдырган. Камдар оноҥло оны комусты чачтыр- ган. Неме билер кам кижи болгон, комузын да таштазын, ики- лизин де таштазын деп айткан. Кöрмöстöр апарарга турган дийт. Оной ойнозо, ол jердиҥ кöрмöстöри келер дийт. «Сениҥ икилиҥ кижи ыйлаган немедий, ташта» — дешкен. 70. КАНАЙДА КАЙ ТАБЫЛГАН 1 Уч уул аҥдап барган эмтир. ÿчилези — jаан аҥчылар. Бир уул мундус сööктÿ кижи, бир уул — иркит сööктÿ кижи, бир уул — тöлöс сööктÿ кижи эмтир. Jаан тайгаа барала, мундус сööктÿ уул тÿниле уктабаган, бир каткырып, бир та нени де тыҥдап отурар. Таҥ эртен тура айтты: — Мен Алтай ээзиниҥ кайын уктым, аҥдап барбазым, ол кай божобийнче*, ол кайга ÿренбийинче, отурарым — анайда айдала, одуда арт калды.