Несказочная проза алтайцев. - 2011. (Т. 30)

у ч у р л у НЕМЕЛЕР КЕРЕГИНДЕ 65. JАДА ТАШ Jадалу таш бар ла теген. Андый jылтыркай таштар болор на, оодыйса, jуттар. Бу ыйыктыҥ, бу Ирбистÿдиҥ ыйыгын тÿкÿ учы jаар андый jада таш бар тийт, анда, бир jерде. Jаан. Байа Jал- бакпай койлоп, ого чыгала, байа ташты ооткон. Эйе, jада ташты ооткон тийт. Оодоло, айлына экелген. Бу мынаар Сасын-Кöлдö болгон бо айлы? Бу мынар та кайда. Кудай! Jÿсе* деп неме аль- дарды агысарга jедерен. Jааган ла jааган, токтобой барган. Анан бир киши билеле: «Сен jада таш ооткон эмтириҥ. Ол jаданы jылулап, бар сук. Анаҥ башка неме болбос» — деген. Аный суктурган неме ле деген. 66. БИСТИҤ БИЧИГИС Азыйда алтай улус ончозы бичикчи болгон эмтир. Бир катап эр улус jууга барган, артып калган уй улус, бала-барка да айыл- да отурган. Бу кату ла кÿч öйлöрдö уй бичикти уурдап jип кой- гон... Эмди уйды сойып, ичи-кардын арчып ийзегер, бистиҥ коп кыптарлу бичигис кöрÿнип келер. Керек дезе сÿлтер таҥмалары да арчылбаган, кöрÿнип турар. Бисте, алтайларда, алдында «будак-бичик» деп бичик болгон дежет, оноҥ бисте «ойрот-бичик» болгон дежер. 67. КОМУСТЫҤ ТАБЫЛГАНЫ Озо, jебрен чакта, jер-суу бÿткен соондо, албаты буткен чак- та, тили jок кижи улусла куучындаш болбой турган. Тили jок кижиге ачу болгон. Ончо улус куучындаш jат, jер ÿстиниҥ ончо