Несказочная проза алтайцев. - 2011. (Т. 30)

jÿрÿмимди ал!» — деер. Ол каргышчы неме дийт ол бойы. Сыгын айда jылан туунjылап jат. Чачкан сÿди ошкош эрjинези кат кал- за, ол платы уур бала чыгар jатса, белине тагынар, судка* бар jатса, кожо алар, ол болужар. 62. ÖЗÖР-КУЗАР 1 Озöр-Кузар деп öзÿм jада дежетен. Jебрен öйлöрдö ол база ла кижи болгон. Элге-jонго тузазы jедип, эмдеп-томдоп турар бол­ гон эмтир. Алтай ÿстин айланган, канча jÿзÿн эм билер, канча jÿзÿн арга билер, чыпчап-эмдеп jÿретен. Бир катап jайаачыныҥ кызы оорый берерде, канча камдар келип, камдайла, jазып бол- богон. Jайаачы Öзöр-Кузарды экелзин деген. Бу öйдö ол база алдыртуга барган — айылда jок болгон. Jайаачы айдары jок ачынала, оны кайда да болзо, тапсын деп jакару берген. Учында ол jедип келерде, jайаачы оны Эрлик-бийге ийген. Jе Эрлик-бий албаган, база тын сураган. Озöр-Кузар Эрликтиҥ сöстöрин jайаачыга jетирген. Jайаачы сÿреен тыҥ ачынган. «Уулым учун артпаган болзоҥ, эмди ак-jарыкка чыкпа» — деп айдала, jердиҥ jети кадына кийдире тееп ийген. 2 Ол öйдöҥ бери Озöр-Кузар öзÿм болуп кубулала, jÿс jылдыҥ бажына бир катап чечектеер эмтир. Jе ол ло бойы улуска болу- жы jедер болуп артып калган. Озогыда сынык-бертик чыкса, улус оны казып, эмденетен. Jе öзöр-кузарды касса, коркушту jаан jут болор, ат капталга jетире кар jаар, канча кÿнге jетире кÿнниҥ кöзи кöрÿнбес. Озöр-кузардыҥ тазылы кижиге тÿҥей: башту, колду, бутту. Тÿс туруп, касса, тазыл тÿс болор, бöкчöйöлö, кас­ са, ол бöкчöк болор, тизеленип отурала, касса, тизеленип алган болор. Оныла эмденген кижи божозо, кÿн-ай база кубулар, jаан jут болор. 63. ТЫТ АГАШ КЕРЕГИНДЕ Качан да бу ла тыт агаштыҥ öзöги jилик болгон деп, jаан улус куучындайтан. Оноҥ бир jаҥы тонду кижи одундап jÿреле, агашты малтала чаап ийерде, jаҥы тоны бастыра jилик боло