Несказочная проза алтайцев. - 2011. (Т. 30)

43. МААНЫ ДЕП АҤ КЕРЕГИНДЕ 1 Мааны деп аҥ jоон байбак мöштий, тÿгиниҥ jаражы да кор- кушту аҥ. Араайын базытту, неме тутса, быжулап ла тудар, меҥдебей. Неме jизе, чебер ажанар, бачымдабай. Кöзи дезе маа- ныныҥ эҥир чолмондый. Мааны, jе бойыныҥ санаазыла болзо, бойына тÿҥей балалу болзом деп, сананып jÿретен болгон. Мааны ары-бери jÿреле, келзе, абакайы бир уулду болуптыр. Jе мааныга ол уулчак jарабады. Оскö андар jуулала, ол уулды арслан деп адап салган. 2 Бир катап мааны бас jÿреле, келзе, абакайы база бир уулду болуптыр. Мааныга база jарабады. Бойына тÿҥей эмес. Бир кÿн аҥдар jуулала, ол уулды бар деп адады. Мааныныҥ абакайы ÿчÿнчи уул таап алды. Мааныга jарабады. Нениҥ учун дезе уулчак мааныга тÿҥей эмес. Аҥдар jуулып, шÿлÿзин деп адап койды. Мааны база ла базып jÿреле, келзе, абакайы тöртинчи уулды таап алтыр. Мааныга jарабаан. Нениҥ учун дезе ого тÿҥей эмес. Аҥдар jуулыжып, киске деп ададылар. 3 Бир кÿн мааны келзе, абакайы бежинчи уулду болуп калтыр. Уулдыҥ адын агас деп ададылар. Мааны базып jÿреле, келзе, абакайы база ла уулду эмтир. Адын албаа деп адап койдылар. Jетинчи уулду болгон. Jеекен деп ададылар. Jе ондый неменеҥ улам мааны бойына комудалду jÿреле, бир кÿн jаан уулына айт- ты: — Jе, балам, мениҥ карыр jажым jеде берди. Бÿгÿнче мени азырап болорыҥ ба? 4 Jаан уул эки конок барала, эт коштоп койгон ат ла бир аҥчы кижиди катай öлтÿреле, экелди. Адазы аа jок ачынган. Экелген курсагы jарабады: — Мындый немеле уруш jÿртен болзоҥ, сенде jÿрÿм jок jÿрбей! Бу кижи сени канай озо кöрбöди не? Озо кöргöн болзо, адып койор эди! Адазы ачынала, аттыҥ да эдин jибеди, кижииниҥ де эдин jибеди. — Экел алган немеҥди бойыҥ jи — деерде, арслан jип ал-