Несказочная проза алтайцев. - 2011. (Т. 30)

op. Кöстöрин, тырмактарын терезиле кожо артырар. Камдар оны: «Сыҥар кöстÿ Кан-Jайыкка, сÿрекей jаан jаргыга» — деп алкап, камдап, апарар. Айдарда, озогы улус ол ÿлгенди кöдÿрген тужунда, Бабырган- ныҥ терезин ол манjактардыҥ бирÿзине кожо апаратан неме дийт. Ол дööн. Айдарда, ого апарала, ол ÿлгенниҥ уулыныҥ, Кан- Jайыктыҥ кöзин ойо тепкен керегинде, ол бабырганды апаратан, керелейтен. Jаан улус анайда куучындажып отуратан. 40. КУЛУНДУ БЕЕ ЛЕ JАШ БАЛАЛУ КЕЛИН 1 Алдында кижи öлöҥ-чöплö лö курсактанатан: öскöн öлöҥди jулуп jиир, агаштаҥ öскöн öзÿмдерди... Бир катап Кудай тындулардыҥ кемин кöрöргö болуп, бир кулунду беени бир кобыга чыгарып салтыр. Бир кобыга дезе jаш балалу келинди чыгарып салтыр. Отогылазын деп. Кемизи канча кире öлöҥ jиир. Эртегизинде Кудай келеле кöрöр болзо, кулунду бее кобыныҥ öлöҥин ÿзе отоп болбойтыр, jаш балалу келин дезе бойыныҥ кобызын öлöҥин ÿзе тазада отойло, öскö кобыга чыга бертир. Келинниҥ отогон кобызы чек кара тобрак jатты. 2 Кудай алаҥ кайкады. Оноҥ мындый jаҥ тургусты: «Аттыҥ эмезе кулунду беениҥ курсагы ол ло болзын. Олор кобыны кара тобрак этире тазада отобос. Jе мал чыйрак, маны сÿрекей. Ого кудай да чыдашпай jат. Оныҥ маҥын астадар». Кудай беениҥ кичинек кажыгын кыптай сокты. Эмди ат кирезинде ле маҥ- таар, jе чыйрак ла бойы. Кудай кижиниҥ ачаназын кайкаган. Оныҥ кийнинде айткан: «Кижиниҥ курсагын öлöҥ этпес. Оскö неме jип турзын, ончо неменеҥ jип турзын, jе кирелде ле». Онойып Кудай кижиниҥ курсагын астаткан. 41. ЧЫЧКАН JЫЛ 1 «Jер-jеҥис Алтайда аҥ-куштар он эки jылга кирерге турган болзо, маргаанга турушсын!» — деп, Кудай jар салган. Ол jарды чычкан уккан. Чычкан бойы сÿрекей кичинек тынду: алаканга да толбос, ÿни де тыҥ эмес. Чычкан бир кÿн тööгö келген эм­ тир.