Несказочная проза алтайцев. - 2011. (Т. 30)

ТЫНДУЛАР КЕРЕГИНДЕ 36. [КУДАЙ ТЫНАР-ТЫНДУ НЕМЕГЕ JŸРÿМ БЕРГЕНИ] 1 Озо, мынаҥ озогы öйдö дезе Кудай бастыра jердиҥ ÿстиндеги тынар-тынду немеге jÿрÿм берерге, байрам эткен. Бастыра jap эткен: «Келзин, байрам эдерис, тынар-тынду анта-кушка jÿрÿм берерим» — деп. Бастыра тынар-тынду аҥдар ол Кудайдыҥ jарына ÿзе jуулып келген. Келерде дезе, Кудай кандый ла тындуга канайла jÿрер jÿрÿм берген. А болчок башту балык дезе кел болбоон. Суунаҥ чыгып, jÿрÿм аларга келип болбоон. 2 Сыгынга дезе алты айры мÿÿс берген, арка jердеҥ одор берген, тöрт кос берген, слободно jÿрÿмдÿ*, меес jерде одорлу да болгон, арка jерде jадынду jÿрер эткен. Алты-jети айры мÿÿстÿ эткен, тöрт кöстÿ эткен. Сыгын байа jÿрÿмин эжин ÿзе Кудайдаҥ угалала, эм jан отур- ган, одорын, jерин дööн, тайгазы дööн. Барjадарда, болчок баш суунаҥ чык келен, таштыҥ ÿстинде jаткан, jадала, сыгыннаҥ сураган: — Jе, байрамда не болды, куучындагар. Кандый солун ук- таар? — деп. Сыгын айткан: — Jе, меге дезе арка jердеҥ jадын берди, меес jердеҥ одор берди, алты-jети айры мÿÿс берди, тöрт кöс берди, мындый jайым jÿрÿмдÿ болдым — деп. 3 Анайдарда болчок башту балык сураган: — Арга-сÿмени кемге берди? — деп. — Jе, санааны кемге берди? — деп.