Несказочная проза алтайцев. - 2011. (Т. 30)

31. ыйык Кош-Агаш аймакта эки ыйык бар. Озодо бу jерлерде jаан чайык болгон эмтир. Jаан суу кöдÿрилген. Аҥ-кушта, улуста арга jок. Байагы бир кезек улус кеме, сал jазап, ого отурып, байаа Кöкöрÿниҥ ыйыгына барган эмтир. А бир кезек улус бу jанында огоштой ыйыкка бартыр. Эм ол ыйыктардыҥ бажында кемениҥ, салдардыҥ оодыктары, баланыҥ кабайыныҥ jемдиктери jадар дийт. Анда jаҥыс та ол кемелердиҥ ле салдардыҥ, jаш баланыҥ кабайларыныҥ сынык-оодыктары бар эмес, jе анайда ок тудунган- кабынган айак-казандарыныҥ оодыктары база jадар дийт. А бу jанында ыйыкта база ла андый оодык-сыныктар jадар дийт, Ир- бисте. Бу ла jуукка jетире. 32. ноойдыҥ улузы Озо-озо, озогы öйдö, Алтайда Ноой деп кижи jаткан. Jер ÿстинде агаш-таш бар öйдö, ол тушта чайык чыккан эмтир. Ноой бала-барказыла кожо jаан сал, кайык эткен. Jаан тай- гага, Себи бажына, мал-аш чыгарып, анайып тынын алгандар. Ноойлор — ол ло аргаданып, арткан улус. Ол улустан ноой-май- ман, ноой-кыпчак, ноой-тодош — коп арткан улусты Ноой улу­ зы дежер.