Несказочная проза алтайцев. - 2011. (Т. 30)

— Ончогор мынаҥ ары барыгар — деди. Он эки тынду jер сайын таркай бастылар. Олор ончозы ку- булгазынду ла темдектÿ болдылар. Мечин кыштын алты айына теҥеридеҥ кöрÿнип турар боло берди. Кöрÿнип турала, öскö öйди jерге jарт öткÿрер эдип кубулган. Jай öйинде улу база jерде болор, кышкыда теҥериде jÿрер болуп кубулган. Арткан тындуларды кижи колго тутканынаҥ улам, олор кижиниҥ ле колында jÿрер аргалу боло бергендер. Кижиниҥ эҥ ле jаан нöкöри ийт болгон. Jаман кижиге иженгенче, jакшы ийтке ижензе торт. 9 Кижиниҥ экинчи нöкöри — ат. Атты кижи тудуп ла алар- да, ол айткан: — Jыгылбазаҥ, jаан тайагыҥ болойын, jыгылзаҥ, jалым jастап берейин. Кÿлÿлбезем, кÿчим jеткенче, болужайын. Jакшы jÿрзем, санааҥ jеткен jерге jетирип сал jÿрейин. Анайып ат кижиниҥ экинчи нöкöри болуп калган. Уйды кижи колго тударда, ол айткан: — Кöчööрзöҥ, кÿлиҥди казып, ойнойын. Олööрзöҥ, сööгиҥди кепшеп салайын. Jыгылзаҥ, мÿÿзимди тöгöп берейин, jакшы jÿрзеҥ, сÿдимди саап, ичип jÿр. Öлööрзöм, бала-баркамды öлтÿрип, jип jÿр. Кижиниҥ ÿчинчи нöкöри, анайып, уй болуп калды. 10 Койды кижи тударда, ол айткан: — Бала-баркам чыдаза, курсагыҥ болуп jÿрейин. Тÿгÿмди jулала, тÿрей берзеҥ, эдинип jÿр. Jыгылып калзаҥ, куйругымды тöжöп берейин. Jакшы тöрööн келзе, бир кайнадым эт болойын. Ыраак jорукка баратан болзоҥ, jолой jиир азык болойын. Ийтти кижи колго тударда, ол айткан: — Ичкениҥнеҥ ичижип jÿрейин. Оштÿ келзе, кöрöлö, айдып берейин. Тижим jеткенче, öштÿле согужып, cere болужайын. Эжигиҥди мылтык jокко каруулдайын. Балу аткан аҥыҥды барып тудуп берип jÿрейин. Азырап jаткан баланды jылулап, койдонып, конуп jÿрейин. Анайып ийт кижиле кожо jерде арткан. 11 Кушты кижи колго тударда, ол айткан: — Куркуным катпаза, jалчыҥ болойын. Курсагыҥ тÿгенип калза, кудайдан сурап келейин. Эрте баратан jериҥ бар болзо,