Несказочная проза алтайцев. - 2011. (Т. 30)

ге jÿретем. Jердиҥ ÿсти jалаҥ сööк. Jÿрерге jескимчилÿ де, jÿдек те эмтир. Öлбöй артып калала, jерге мен канай jÿрерим? — улу анайда айдала, теҥери jаар учуп jÿре берген. 3 Ол тушта jылан jараш болгон. Кöргöн лö неме jажыдар. Ка- натту, кайзыракту, мÿÿстÿ, куйрукту. Ого коштой кожоҥдозо, ÿни де jараш. Jылан айтты: — Jе, мен jерге jÿретен турум. Jакшы jер jунылып та турбай, эски сööк чирип те калбай. Олгöн jердеҥ öлöҥ дö öспöй, барган jердеҥ баргаа öспöй. Кыш та болзо, уйуктап jадарга jер артык, jай болзо, ойноп jÿрерге jер артык. Килейген (челдери кадып калган) сööктöрдöҥ дö коркыбайдым, кирлÿ деп jердеҥ де кач- пайдым. Ару конойын дезе, агашка да чыгып, коно бербей, аш- табай, тойу jÿрзе, ташка да конуп калбай. Бийикке чыгала, бий болотон бедим, теҥериге чыгала, тейлеген болотон бедим? Айдынган сöзин jайучы билип алала, jерге jÿрер эдип jöбин берип ийди. 4 Мечин турала, айтты: — Меч! — эдип келип тÿшсе, мени jедип келген деп билип тураар! «Мен болорым!» — деп айтсам, мени jана берген деп билип тураар. Он бир jылдыҥ бажында ойто такып келерим. Бир jылга болужала, ойто такып келерим. Бир jылга болужала, ойто теҥери дööн барарым. Теҥериге барарга jöбин алып, ол öрö jÿре берди. Уй турала, айтты: — Jажаҥынаҥ jип jÿрерге тайгазы jакшы болбой, кööлмöги- неҥ ичип jÿрерге Алтайы jакшы болбой. Кыштыҥ кÿни келгежин, мÿÿзим ле сый тоҥбозо, курсактаҥ да алдырбазым. Jайдыҥ кÿни келзе, ичим сыстап та турза, кепшенгенче jадарым. Jерге jÿрерим мен. Уй анайда айдарда, Jайучы jöбин берип ийди. 5 Бар турала, айтты: — Бала-барка ойнодор ару jер меге кöрÿнбейт. Талайга бар- за — анда jаан аҥныҥ-куштыҥ сööги толтыра, тайгага барза, бастыра тындулардыҥ сööги кöп. Мен кижи сÿрлÿ болотом. Кайы- гым тудунып алып, талайга да jÿзерим, камчым тудунып алып, тайгага да jÿрерим. Теҥериге jÿретем.