Несказочная проза алтайцев. - 2011. (Т. 30)

JЫЛДЫСТАР, АЙ, К ÿ н КЕРЕГИНДЕ 11. JЕТИ-КААН Jе, ол Jети-Каан деген jылдысты. Озо бир коркушту бу jаан бай кижи jети уулду болгон. Ол jети уул бÿрси де ишке де бар- бас, малга да барбас. «Мен — каан! Мен — каан!» — деп отурлаар. Jе оныҥ кийнде оны кудай: «Если* слер ончоор каан болтон болзоор, jетилегер каан бол турар jерди мен слерге таап берерим» — дейле, теҥериге чыгар салган дежетен озогы jаан улус. 12. JЕТИ-КААН ЛА ŸКЕР Jети-Каан деп jылдыс озодо алты болгон. ÿкер jети jылдысту болгон эмтир. «Сен jаантайын jети болор, мен алты болтом бо?» — дейле, бир jылдызын уурдап алган. Оноҥ ло бери ÿкер бери келзе, Jети-Каан бир jаны jаар барар. 13. ÿЛКЕР ÿлкер, Кÿн, Ай Кÿн-Кааныҥ кызыны тартыжып аларга. Аҥ кереенде* кызыны бербин, ÿлгердиҥ чÿзине тÿгÿрсан: «Сен маа кöринбес бол!» Аҥ кереенде ÿлгер кöринчит, таҥа чыкпас. 14. МЕЧИН JЫЛДЫС Бистиҥ алтай улустыҥ кеп сöзинде болзо, Мечин jылдыс тоҥмок сууныҥ тÿбине jадар, август айдыҥ* учына jетире. Оноҥ ло теҥериге чыгар.