Несказочная проза алтайцев. - 2011. (Т. 30)

Ийт jöпсинип: — Кир — деди, — озо меге айткан немеҥди эт — деди. — Jайга-кышка тоҥбозыҥ — деп, Эрлик ого тук берди. — Туузылбас курсак — деп, кижиниҥ богын берди. Эрлик кижиниҥ тынын кийдиреле, сунезин алып барды. 8 Курбустан-быркан келгежин, Эрлик кижини тиргизеле, суне­ зин алып бартыр. Кижи иштеп, базып jÿрди. Курбустан-быркан кичу карындажы мöҥкÿ тынды агаш-ташка таштап ийди. Мöш, чиби, карагай jайы-кыжы оҥбос, мöҥкÿ сÿрлÿ туруп калды. Курбустан-быркан карындажы айтты: — Албаты тирÿ jÿрзе, менин болотон туру. Олгöни Эрлик аканыҥ болор туру — деп айдала, айлу-кÿндÿ кöкти кöстöп, теҥериге чыга берди. Оноҥ ло бери ÿч-Курбустан ÿч карындаштыҥ кичÿ карында­ жы Курбустан-быркан — салым болуп калды.Бурулу немени билер болуп, албатыны башкарып jадар эмтир. 9 Ортон карындажы Улген-быркан Улген деп jаан тöс тайгалу болуп бÿтти. Албатызы Алтайдыҥ ээзине бÿдер, ÿлген тöс тай- гага ыйык буулап, алкаар болды. Jер алдын бийлеген Эрлик-бий болуп калды. Олгöндöрдиҥ тартузын, тирÿлердиҥ сÿнезин аларга алып болбой, албатыга кара тÿкÿрÿкле тÿкÿртип jÿрет. Алые кара сагышту, Алтай jерине jет- керлÿ алып, кöрмöс, кара чачту Адай Эрлик атту болды. Эрлик jериниҥ албатызы киндик алдында курлу болды. Кÿндÿ jердиҥ албатызы курлазында курлу. Бу орто jердиҥ албатызы деп адалат. ÿстиги ороондо Курбустан-быркан аданыҥ, Улу ÿлген-бырканныҥ jеринде, албатызы эмчек алдынаҥ курлу. 10. ЭРЛИК ЛЕ КУДАЙ 1 Озодо Алтайда Кудай jуртаган. Ол Кудай нени ле эдип билер кижи болгон эмтир. Эрлик-бий оныҥ кичинек карындажы бол­ гон. Эрлик-бий аказы Кудайдаҥ тöлÿге кыска öйдиҥ туркунына айды ла кÿнди сураган эмтир. Jе Эрлик-бий айды ла кÿнди алала, сÿрекей узак туткан. Экелбесте, Кудай Эрликке бойы