Мифы, легенды, предания тувинцев. - 2010. ([Т. 28.)

5 Амыр-Санаа ону түрегдеп ашкаш: Кызыл кыр аъттан чел-кудурук унмес, Кыдын кыр бол — дээн. Куу-Дандардан сал унмес, Кушпугур куу бол — дээн. 6 Ол чоруткаш, Орус чурту кирип, Ак-Хаанның дүк-түме шерии ону туткаш, демир-бажынга суккаш, кыштың соогунда доңурар хөрүк-биле хөрүктээрге, Амыр-Санаа доңар байтыгай, думчуунуң бажындан дер мыжырткайны берген олурган. Ол бажыңны кызыдыр хөрүктээрге, Амыр-Санааның салы хыраалай берген дидиреп олурган. Ооң сөөлүнде канчап-даа өлүрүп шыдавайн, салыпкан. 7 Үнүп келгеш, аъдын сураглаан. Аъдын өлүрүп каан болган. Аъдының өртээн дугуржуп, эптиг чугаазын чугаалажып эгелээн. Ак-Хаан: — Аъдың өртээ чежел? — Аъдым өртээ сезен казак терге ишти алдын — деп, Амыр- Санаа харыылаан. 8 Сезен терге алдынны чеди, сес чылда чыггаш, Ак-Хаан чыып шыдаваан. Оон аңгы демисели үнгеш, Ак-Хаан бастырган. 88. АМЫР-САНАА 1 Хаан адазының ширээзинге олурар эрес-маадыр кижи кым болур эвес дээш, Амыр-Санаа биле Шүшпең-Бег ча адып, адаан- мөөрей кылып турганнар. Төрениң дөрт дүжүмеди оларга бир буганы тургузуп берип-тир. Оолдарның кайызының-даа согуну буганы өткеш, черже теш чартыы хире кадалы бээр бооп-тур. Алышкыларның кыдат кижи алган угбазының Шунун деп оглу ол маргылдааны көрүп турган чүве-дир. — Чээн оол, сен база шенеп кербес сен бе? — деп, оолдар аңаа чугаалаан. — Мен чүге адар мен, хаан болур дээн эвес мен — дээш, оозу ынаксавас болган.