Мифы, легенды, предания тувинцев. - 2010. ([Т. 28.)

4 Оон бар чыдарга, кежээ апарган, оъттуг, суглуг чер чыткан. — Чаа, маңаа хонар-дыр — дээш, тевелерин чыттырган. — Чоп турар сен, Чазын-Хоогай, чүктүң бир чартыын дужур! — дээн. Чүгүнүң бир чартыы дүже берген. Тевелерин оъткаргаш: — Чоп турарыл, Чазын-Хоогай, ыяш, чээрген чыып эккел. Эртен чем кылып ижери-биле катай чыып эккел. Эртен эрте- лээр бис. Мен суглап эккээйн — дээш, суглап чоруй барган. 5 Суг узуп алгаш келирге, ыяжын эңдере чыып каан чыткан. Шай хайындыргаш, аъш-чем салгаш: — Чемненип олур, Чазын-Хоогай — дээш, шай ижип чемне- нип олурарга, чүве-даа көзүлбес, куткан шайы тоне бээрге, шай куткаш: — Эки чемнен, аныяк кижи хөй чем чиир болгай — деп чугаалап олурган. Оон эът дулгеш, база тавакка салып бергеш: — Чемнен, Чазын-Хоогай — дээн. Чүве-даа көзүлбес, эъди чиде берген. Оон ам майгынын каккаш: — Мен ам удууйн, тевелеривис, хамык чүвевис кадарып хон, Чазын-Хоогай, — дээш, удуп чыдып алган. 6 Эртен туруп келгеш, шай хайындыргаш, база-ла аып-чем чүве салгаш, шай куткаш: — Ам дурген чоруулу, эки чемненип ал, Чазын-Хоогай — дээш, шай ижип чемненип алган. База-ла чүве-даа көзүлбес, чеми чок болган. — Чаа чоруулу, тевелеривис эккел! — дээрге, тевелери ап четкен. — Бир чартыын чүдүр! — дээрге, чүдүртүне берген. — Чаа, Чазын-Хоогай, теве соонга олуруп ал — дээш, чоруп- ла берген. 7 Оон чоруткаш, дүжер черге келгеш, база-ла тевезин чыттыр- гаш: — Коштуң бир чартыын дужур — дээрге, чуъгу дужуртуне берген.