Фольклор юкагиров. - 2005. (Т. 25.)

51. чуельэ ньэдьил 1 Мит чуельэд-омнии ньингиэльэлки. 2 Иркин шоромо пиэдьэлэ кудэдэм. Тэрикэги чуулкин кэбэсь. Тиинэтак шоромо эмдьэги мархильэк. Табудэк аай эридьиэл, мони: — Мэт аай хонтэйэ. Эмэйги мони: — Эл холлэк. Тудэ йэдиэ кэбэйлуон йолаан а§и шэйрэсь. 3 Чуулгэ йахаки. Тиинэтак мархиль чуулэ пукэльэгэт хаартэм. Ха- артэллэ ло^о^одайм, пиэдьэ ньаасэдэ идьиэн ло^о^одайм. Таат йуо- льиэм. Акдьэ эмидьэги йуемэлэ. 0нмэгэ чукжэй: «Чаачаа шаардэгэ, ньикиэги эрись кудэчиильэл. Табунгэт ибэльиэльэл, мони: “мэ амдэйэ”». 4 Нумэкинь хонки. Чуулэ кэсьинам. Такдиэт ньэлэмэ эл кудэчиэй. Таатльэт лэкдуольиэки. Тиинэ пиэдьэ кудэчинул шоромо ньиэри-дьиэй, абудаай. 5 Алмэньни. Йал^итаакам, монки: — Иуок, лэмэгэт мит титэльуок? Алмэпки мони: — Тиинэтак мархиль титаат чукжэльэл: «Мэт чаачаа кудэдэдин льэдэгэ, пиэдьэ акдьэд — уожииги эрэйльэл». Монки: — Мит табун ходо аатуок? Мони: — Так паай орпурэнпк. Иркин ончиэ ьгодьэ тоукэлэ кенмэтэкик. Иркин моой кодьэ тоукэлэ — йалуонпгэн. Орпурэнпк. Иркин такнуги омуотэй. Ньэльэйульэньки. Монкги: — Таат аагэ: иркин паайпэ амдэл лэмэкотэй? Чумут тии амдэч- чили — так эруутэй. Холлумэ орпурэкам. 6 Огойиэлмэ эгиэки — тинэтэн алма монни: — Иркин шоромо эгуриэгэн. Подьорход ердьэ куот эл кудэдэгэ киэсь, иркин пиэдьэлэк кудэ- диэльэлмэлэ. Такдиэт пиэдьэлэ кудэчиэкам, такдиэт омуолбэки.