Фольклор юкагиров. - 2005. (Т. 25.)

Хойлньэ, хойл хамидьиэлбэнпэ уот тудин монни: — Тэт эрись мит йоулусьуол монтэйэк, тэт пиэдэтчэк лосьилгэ. Петр Бэрбэкин мони: — Мэт таа эл эйрэйэ, мэт ердьуол лэбиэгэ льэйбэн уодьэ. Мэт ©рдьуол лэбиэ шоромо уодьэ. Мэт эл лэйдии йоулэсьпэнбэн. — Тэт эл модьэк мит йоулэсьпэнбэн! Тэт пиэдэйтэк. — Ходо мэт пиэдэйтэм? Нонуон мэт пиэдэйтэм? — мони. — Мэт мэт лэбиэгэ льэйэ! 35 Хойл хамидьиэлбэнпэ тудин аальдин эл йахуйни. Кириэспэдиэк, лэбиэк йуенидэгэ ердьуол лэбиэ лэбиэк. Титтэл ньэлэмэдиэ кийэн эл аани тудин. Таат тудин монни: — Тии модок. Йуетэй ходо гудэк аай. 36 Таат аай кэбэсь тудэ модомэлэ лэбиэ ланин. Таа модой, тудэ аамэлэ лэбиэгэ. Тудин кэлунунги хойл шоромопулгэт йуедин ходо модо монут. Йуенидэгэ: омось модольэл. Тудэгэлэ йоульэлэ, пугэсь илэйэ, лосьилэ пулудэйнунаа Ичульэллэ кэлунуни ходо гудэльэл монут йуедин. 37 Петр Бэрбэкин тудаа ходо модо, таат модой. Тудин эгужунулбэн правньэльэл тудэгэ йоулэдьидин. Иркидьэ кэлдэлдэ йует мони Петр Бэрбэкин: — Тэт аай эл пиэдэчэк? Аай эндьэк? Омось миннэ тэтин тии? Хондэллэ пундут. Йоло^удэ хондэллэ пундум: — Омось модой, ууйиит йахтэдэ. Тудэл миткэт аай омюсь модой. Хойл хамидьиэлбэнпэ лэбиэн пегильпэ чумут шахальэдэллэ монни: — Миткэт аай пудуольэл тудэл! Ньиэдьииллэ тудэньэ ньа^аа Тудин чомуодьэ хойл ньууги тадии- нилэ. Тудэ идьии святой* нуот мэруйиит эйрэт шаашэт хамидьэт шоромонин эгужуй. [ЧИИН ЭДЬИА НЬИЭДЬИЙ КАРАВААА эдьулньэй чуулдьии] 39. ХАБАТАА 1 Хабатаа — тэтчиэлэн: илэньэй, йавнай сукунньэй, ньиномиэйэру- кун йавнар льэй. Мэ мирийэньи, маархан куодьидуоньэй, маархан паадьидуоньэй. Пойуодьэ илэньэй, пойуодьэ сукунньэй, хамрииги пойуонь, тудэйлэк нэмэноллэн эл виэнун.