Фольклор юкагиров. - 2005. (Т. 25.)

Таат палаай амдэлгэт. Эгиэдэллэ таат кэбэсь. Таат хонут тудэгэлэ пэшшэйьгилэ миэстэгэ йахай. Шоромопул тудэгэлэ йуесьиит лэйтэйнаа, мокиги: — Ходо палаак? 24 Таа тудэ модол модой. Мурдуулэ орпучии — таат орпунуки. Нилги эл уушаану. Тудаа модольэл титэ анил икчиит, лэнгдэт модокги . Таат модот шоромопул монтги: — Холлумэ миткэлэ йуедин кэлкитэй ордьуол лэбиэгэт. ©рдьуол лэбиэнгин мит мэт йадасьуонпэ уодьиильи. Ходо таа йахатуол можу- ук митин моннгитэл. Хамун шоромок тиит кэбэйтэл. 25 Петр Бэрбэкин онмэгэлэ ууйм: «Ходо тиит кэбэйнульэлки?» Иуолэк уунэшмэлэ, лэмдик аасьиитэмлэ, чуму лэйдиидин эрдьиэй. Ир- кидьэ тии модойэ лигэйэ пулутньэ ньэнуульэльэл. Тудэл атахльидьэ ордьуол лэбиэ ланпн тиит йоло^удэ йадальэл, таа^анэ тиит эл йаха- льэл ордьуол лэбиэгэ. Ньаньдьэги чомуольэлул, табунгэ эл йаханульэл. Пулут мони: — Чобул пугильгэ нодоньэй. Табун йаан ньэмол§илгэ мэрэт йа­ хай ордьуол лэбиэгэ. Тиит мэрэйьгидэ пудуол лэбиэгэ йахай. Таат йуедэдэллэ аал^удэ лоудут ордьуол лэбиэгэ йаханульэл. Нингэй лэгу- лэк надонуол, ньиэрэк, уожиик. Табунгэ Петр Бэрбэкин мони: — Чэйлуульэл. Эл йахатэйэ мэт. Пулут мони: — Иркин идьии, иркин чугек льэл. Тинг шоромопулгэт ордьуол лэбиэкин кэбэйнуни нэмэгэт эллэ гудэдэллэ нодо нуот, кусьиэ нуот, кэлидьэ нуот. Аал§удуол лэбиэ аажульньэй, таа льэни йадайтэл шо­ ромопул. Таат адаат пудуол аажулэк льэл, таа йахадэллэ шоромо ай- бии нуот гудэллэ поллодьинуни ордьуол лэбиэгэ. Петр Бэрбэкин чуму мэдиим, таасьилэ молльэл: — Ходо лэйдиитэм кинтэк кэбэйтэл? — Табунгэлэ ополльаа моннуни, тинидэ кэлдэллэ пудуол аажул- гэт, — мони тан* пулут. — Мэт тэтин кишшэт айбиипэ укчиипэги. Нуктэй кинтэк холлумэ кэбэйтэл ордьуол лэбиэнгин. 26 Таат ангсьиит нуьпгаа шоромолэ кэбэйтэлбэнгэлэ. Нэмэгэт гудэ­ дэллэ кэбэй — эл лэйдии. Табунгэлэ нуктэллэ лэйтэнаа — чайка нуот гудэдэллэ мэрэйтэй. Табунгэт тии льэл шоромо чуму чайкадиэ нуот гудэльэлнги, таат мэруйиильэлки йуодэдэ. Ниилги йэнбэн эл льэгэн, чуму иркилльэ уоьгиккэн. Йуодудэт кужуунгин арпайт пудуол аажул- гэ йаханп, чайкадиэ нуот гудэдэллэ. Тии аай шоромо нуот гудэльэлЕги. Тии шоромопул хамунэрэ подьэрхогэ модонги.