Фольклор юкагиров. - 2005. (Т. 25.)

12 Дьэ таат лол^ошаальэлум миэйэ, уолобэлэ, свинецэ. Ол^уйлэдэгэ иркиэнуо. Иркин андьэньулбэн ходуой иркин, атахун, йаан подьэр- хогэ. Петр Бэрбэкин йуенум игэйэптэйлэ омось улдуоги. — Шаашэт подьэрхэ шегулнугэ шэшпэданиль аай йуеннунигэн. Тудэ чо^ойогэлэ, йо^одариигэлэ миэкэ пэниим. — Дьэ таат андьэ тек! Тии аатэй атахлэштэ андьэ. Дьэ таат милльэлум пугэсьэ свинецэ, холаа уодэллэ. Таат альбэ- шэйльэлум омось андьэдин. Тудэл йархо^эсьильэл. Таат аай альбэшльэлум. Таат илбутэсьльэ- лум. Атахлэштэ ол^уйгэлэ чэмэрэйльэлум. Иркин андьэйньулбэн ернь- эдэ молльэл: — Ньэлэмэ эл льэн! Ху! — Адись, мэт мейк! Таат йоутэй. Шаашэт йаалмэшки абуттэт- мэ, таннуги омолбэтин. 13 Таат омол андьэги бойсьэ пиэдэйльэл. Йаалмэшки эймундэги альбаштэгэ йархо^эльэл. Игэйэпки шашандьэльэлги. Петр Бэрбэкин мони: — Омон йуудэсь, шэшпэданиль йо^одайк! Шубэжэйдин льэльэл. Табунгэт ертэйльэл: — Тебиэник чумут! Пульдьэгэсь игэйэгэт ходуобэгэт чирчэгэсь. — Хадунгэ льэк! — ерньиэй. — Ходунгэ льэ? — монут йоулось- ум тудэ нумегэт. — Тии льэй, ньэханидэ эл хон, — монут анньэги нумегэ льэл ньирпэги, шоу^опки. — Мэткэлэ куддэм, эл андьэ нугэдэм! Таат шаашэт бойсьэ эрул- бэтчэ! Мэт тудэл омосьаа аат, шаашэт андьэги лондэллэ мэткэ мо- дот! 14 Табун мэдиит Петр Бэрбэкин нигиэдамун мол^э шеги: «Дьэ амдэйэ мэт!» Иркин андьэньулбэн шэшпэданиль йо^одайтэляэ амунпэк пудэ пэйжиимэлэ. Таа иркинльэгэ амунпэньэ Петр Бэрбэкингэлэ пудэ пэш- шэйм. Орньэлэк мэтчиил: — Пудэ пэшшэймик! Хон дэ шубэжэл! — Шэйрэсь, мэткэлэ куддэм! — мони иркин андьэйньулбэн. — Пасиибэ* таат аалуолгэн, мэ мин мэт тин ньумудьиидиэк. Таат пэшшэйм тудэ ланин, мэлдьэт эл эйтэ, Петр Бэрбэкингэн табунгэлэ эл тотто^оро. Тудэ йукуол шашхулэ чандась — ньумудьии­ диэк тоттись, таат ерньиэй: — О-о! Эрись мойм! Чугуой кэлук!