Фольклор юкагиров. - 2005. (Т. 25.)

1 Лэбиэн пугиль лэбиэгэ льэй. Хозяингэт*, лэбиэн хозяингэт шоро- мо ниэнундьиидэйнэ мусьинбэнгэлэ, чуму кэйнум: чомуолбэдэк кэй- нумлэ, мээмээк кэйнумлэ, лисак* кэйнумлэ, йуододьуубэлэк кэйнум- лэ, горностай* кэйнумлэ, мусьинбэнгэлэ чуму кэйнум. Аосьилкин льэ пэйжиинумэк, лэгул пэйжиинумэк, таннуги чумут кэйнумлэ. Таа^илэ инжуодьэньут даманы* йуенумэк, земля хозяин* йуонуннуй. Таа^илэ омосьэ охотникпэкин* йэдэйнульэл хайинурэ. 2 Иркин шоромогэ тудаа йэдэйльэл лэбиэн пугиль. Тамун йэдэй- дэллэ мольльэл: — Мэтин тэт испиир* кэсьиик. Иркин бочка* испиир кэсьиик. Тамун таат кэсьиилукэнэ, мэт тэтин пушниналэк* кэйтэмэ. Йаан курууньэй. Тан: куруулги букатын* полный* пушниналэк: шахалэлэк, горнатаа разный*, чумут льэй, мээмээн хаар, кодиэн хаар, чирчуму. 3 Дьэ, тан шоромо тандьэнин хондэллэ, иркин бочкагэлэ мидьум. Миндэллэ хонтэм, хонтэллэ тадиим земля хозяиньгин. Йалмидьэ круж- кагэ* абутэм, уожэм, ужэ бочка нету, все выпил*. — Дьэ, — мони, — лэмдик анурэмэ, чуму мин адуен курулгэт. Ходимиэй шахалэк, чернобуркалэк* надонуол* ду*? Красный лиса* надонуол, ду? Йуододьуубэлэк надонуол, дуо? Чуму минь. Сколько тебе хочется*. 4 Дьэ, так шоромо миидьиигэ имдэм, полный. Имдэллэ нумекин кэбэсь. Нумеьгин кэбэйдэллэ: — Кэлгэк, — мони, — аай, аай мино* кэсьиик! — Ага*, кэсьии. Аай льэй, аай кэбэсь. Кэбэйдэллэ как раз нумекин кэлдэгэ па- раагэ пурга* нуот кудэй. Таат кэбэйдэгэ параагэ аай пурга нуот ку- дэй. Ильэйэнуот кудэй, пукэльэ йиэсь. 5 Дьэ, тудэ бочкагэлэ аай кеудэйм. Дьэ, тадиим Тадиидэгэ аай мони, атахлэштэгэ: — Дьэ, — мони, — пушнина мин амбаргэ*. Йэклуол амбар йо$о- дайк, таа полно*. Там*. Таат мин, миндэллэ нумекин кеудэйк. Толь­ ко* нилнгин эл моллэк. Тамунгэн тэт шоромокин эл пундулэк, дьэ, йаалмэштэлэ аай кэлгэк. — Ага, — мони, — кэлтэйэ. 6 Так шоромо богатый* нуот кудэй, тандьэ нуот кудэй. Так пуш­ нина мидьулбэн. Тудин эгужуки, весь поселок* эгужуй, эгужуй тудэл. Потому что богатый* нуот кудэй тудэл, тамуннуот взад-вперед* эйрэки.