Фольклор юкагиров. - 2005. (Т. 25.)

32. пэмэдиэ чуулдьии 1 Иркин пэмэн пулундиэ льэй. Атахун тэрикиэльэл. Иркидьэ пудэ укэйдэллэ орньиэй: — Пуйдэдэ илэйэ, кэлук, кэлук! Таат илэйэ киэсь. Кэлдэллэ тинтан: пэмэ пулундиэгэлэ мэриэшум, ньанмэгэ тоттом. Таа тоттуодэгэ иркин чомуолбэдэк кэдэллэ тан: пулундиэдиэгэлэ ньанмэ иисьэньэ иркильльэ нуон амладайм. Таат тинтанг пулундиэ чо^ойэлэ иридэйлэ чо§ут иргушум. Таа кудэдэм. Таат танг йургуугэн укэсь. Таат айаат ерньиэй: — Лэллугут, лэллугут илэйэдэйк! Таат илэйэ киэсь. Кэлдэллэ танг пулундиэгэллэ мэриэшут, мэриэ- дэгэ йохтом. 2 Табунгэ тэрикэпки моннги: — Пулундиэ, хот кэлук? Пулундиэ мони: — Иркин чомуолбэдэк кудэдэмэ. Тэрикэпки табунгэлэ кэсьиинаа нумеьгин. Таат пандэни. Пандэ- 1 гидэгэ покисьэлэк укэйл. Таат тэрикэпки укэйнги. Укэйкидэгэ пу­ лундиэ тинтанг лубунгэ йа$илгэн йахтаай: — МЭТ КуДЭДЭлбзН ПОН’ИСЬЭНЬИ, п он ги сьэн ьи . Таат тинтан лунбугэгэ польэрайт леудиись. Таа амдэй. 3 Таат тэрикэпки шеудэллэ ангсьиикаа. Пулундиэ ньэходунгэ ойльэ. Таат титтэл лунбугэгэлэ йуонам — пулундиэ таа льэльэт амдаальэл. Табунгэлэ уедэллэ таат атахлуот ибиэдьиэьги. Лигиэлтанг шаалгэ игэйэлэ мэт арпаат амдэй. Уонуолтаьг тоукэдиэ нгуот кудэдэллэ йуобии ланги пегиэй. 4 Таат эйрэт иркин пулутэк нуммэлэ. Танг пулуткин еймунньэй. Табунггэ тинтан’ пулут ньумудьиилэ айииньит эл йо^ото. Таат тинтанг тоукэд уе аай кэбэсь. Кэбэйньит иркин тэрикиэдиэгэ йахай. Таат тинтан’ тэрикиэдиэ уекин мони: — Йоулугэ! Ходимиэ омосьэ тоукэдиэк мэткэ йахал. Хатэ* мэт у© тоукэдиэ нгуон мидьуот. Тэрикиэдиэ так тоукэдиэгэлэ нуменин кэсьиидэллэ чибал йэк- лиэ ултэм. 5 Таат уоги киэсь. Кэлдэгэ мони: — Тэт кенмэ нгуон иркин тоукэдиэк нуммэ. Табунгэ мони: — Лэгитэк!