Фольклор юкагиров. - 2005. (Т. 25.)

2 Иркидьэ тудэ тэрикэкин мони: — Тэрикэ, мэт уерпэ кудэсьиигэ. Такнут атахлуодьэ карасьпэк лэнтэл. Табунгэ тэрикэги мони: — Пулут, йуукэ лаки хонтэллэ кудэсьиик. 3 Пулундиэ таат тудэ уерпэгэлэ лэбэйдиикин кеудэйм. Йуукэ, йу­ укэ йохтэм. Нингэйэ лэбэйдиигэ йохтэм Таат уорэптиэ лэбэйдиилэ шахалэшкаа. Пулундиэ тудэ ма^илгэлэ лоудэллэ шаалгэ орпурэм Таат нумекин кэбэсь. Уерпэтиэ титтэл эсьиэ ма^илгэлэ йуедэ, йуедэ монки: — Мит эсьиэ айии льэй. Таат посудэ ултэдэйллэ нумекин кэбэйки. Таат кэбэйньит бойсьэ ше^иэки. Таат шукумэ хонут иркин унунтэ йахаки. Танг унукгэт лэдудэ кэбэйки. Иркин чиськэ шейлэк нунгнгилэ. Паабааги мони: — Тик шойл йэдийэ куон минтэй. Табунгэ эмдьэги мони: — Иклугэ, эл минтэйльи. Паабааги так шейгэлэ пайайм. 4 Таат аай кэбэйки. Иркин нумегэ йахаки. Так нумегэ мадааки. Иркидьэ лэбэйдиикин кэбэйки. Кэбэйкидэ йолаан тинтак шейпэги чуульдьии пулут куон кудэй. Араснокуодьэ* лэгулэк аадэллэ столгэ эгэтэмлэ. Таат аай шейлкуон кудэй. Тинтак лэгулгэт паабааги лэгум. Эмдьэги эл лэй. 5 Таат угуйэлдэгэ эл хонки, а^идууки. Тинтак шейпэги аай чууль­ дьии пулут куон кудэй. Аай араснокуодьэ лэгулэк аамэлэ. Табунгэлэ столгэ* эгэтэм. Таат льэллэ аай шейл куон кудэй. Таат тинтак уерэп- тиэ кимдааньэт нумекин кэлки. Кэлдэллэ монки: — Кин аайэ лэгулэк тубэн о§уол? Таат лунбугэгэ уожиилэк пулгулэткилэ. — Мит уе, айлэти, — монки. Так уожии лол§ось. Тинтак шейлгэлэ таа пэшшэйкаа. Таатльэдэ шэйрэйк. Тантак чуулдьии пулут лунбугэлэ йуогэн мориэт шубэжэй. — Мэткэт эл шэйрэйтэмэт! Шаркидэ сьин лэгут! 6 Таат тинтак уерпэ иркин тэрикиэдиэгэ йахаки. Йахадэллэ: — Эпиэ, митул а^иэтэк, — монки. Тэрикиэдиэ тинтак уерпэгэлэ тудэ уерпэ куон мидьум. Таат тинтак чуулдьии пулут чобуогэ йахадэллэ уожиигэ леудиись. Таат амдэй бойсьэ.