Фольклор юкагиров. - 2005. (Т. 25.)

5 Таат тэрикиэдиэ нуменин хендэллэ ибиэльэльэллэ тудэ но§ии, мидэдьэ амладайльэлмэлэ. Пулундиэ киэсь. — Мэ, тэрикээ, лешкараа, шобо^ораа кэсьии. Табунгэ тэрикиэдиэ мони: — Пулут, мит чол§оро шэйрэсь. Пулундиэ тамунгэ мони: — Тэтидьиэ лэктэллэ мэ кимдааньэйэк. 6 Таат тэрикиэдиэгэлэ ханиинаам. Мурэдэ игэйэдэгэт эгиэрэм, таа нинжэм Иридэгэлэ таат ильайм. Иуедэгэ но^ииги, мидэдьэги льэй иридэгэ. — Хаариэн, нонуон кудэдиэльэлум мэт тэрикэ, — мони. 7 Таат чол§ораадиэгэлэ ансьиидин кэбэсь. Иркин горнатаалэк* ньаасин нуммэлэ. — Горнатаа, мэт чол^орэ эл льуейэк? Табунгэ горнатаа мони: — Чаашэт тэт киэйэгудиэ хонись. Пулундиэ аай кэбэсь. Хонут иркин йуододьуубэлэк нуммэлэ. — Иуододьуубэ, мэт чол^орэ эл льуейэк? Табунгэ йододьуубэ мони: — Шахан машльуерпэ пуолохпэдэгэ* таа льэти. 8 Пулундиэ таат аай кэбэсь. Хонут шахальэй йоллэк нуммэлэ тудэ уогэлэ чуму йургушум. Таа тинтан шахальэй йоллэгэлэ тан тудэ уогэ ходотэм. Таат кэбэсь, дьэ шахалэ нумегэ йахай. Шахан машльуерпэ монни: — Хаахаа, митин лондэк! Пулундиэгэлэ таат лондэшаанам. Лондэдэгэ уодэ хонжэгэт ша­ хальэй йоллэ олмон альбэй. Таат чол^ораадиэ табунгэлэ йуедэллэ таат ньуельиэй. Нуедэ, нуедэ тудэ хаахаа архаа йахай. Хаахааги мидьум. Миндэллэ хармангэ* шиншайм, таат кэбэсь. 9 Нумегэ йахадин льэдэгэ нумегэт йахтэлэк мэдуул. — Кинтэк йахтэл? — мони пулундиэ. Нумегэ шеги. Йуедэгэ тэ­ рикиэдиэ окноданильгэ*, шэрэжэт модой. — Тэрикээ, тэрикээ, мит чол^ораа кэсьии. Курулгэ мол§э пении. Шэйрэк, лэктэй. 10 Тэрикиэдиэ таат шэйрэйдин укэсь. Чол^оро ньэходунгэ ейльэ. — Пулут, пулут ходит кимдааньэт? Пулундиэ таат укэсь: убуй ейльэ. Пулундиэ тудэ ньумудьиигэлэ йуегэн мошшум, шашилэк аайиимэлэ. Таат нуменин киэсь. 11 Аммалдэллэ угуйэдэгэ тудэ шашилгэлэ йеуйиим. Чол^ораадиэ таа игуой. Пулундиэ табунгэлэ нуменин кэсьиим. Тэрикиэдиэньэ лэшгаа