Мифы, сказки, предания манси (вогулов). - 2005. (Т. 26.)
3 Тав номылматас «Ам хōт тāнаныл вāсанум? Нэмхōт элмхōлас ат хōнтыгласум». Тувыл лāви: — Ам ат вāсанум, ам хоса мāныл ювум, нэмхот нэмхотпа ат хōнтыгласум. Топ ам ты я вāтат ӯринэкват, сāквалякыт вāсум, тāн āрпи вāрēгыт. Тāн лāвēгыт: «Наӈ пāг мӣнэн, колн юв сялтэн, мāн сакӈ пальпа эсь ōньсēв, таве наӈын ӯнтгылув». Эква ōс мось ӯнлахōлыс, тувл ōс титыглахты: — Наӈ ам сакӈ пальпа āгитем ат вāслын? Тав ōс номсахтый: «Ам таве хōт вāслум?» — тувыл лāви: — Āти, āквм эква, сакӈ пальпа āги ам ат хōнтыгласум. Топ ань ты, āви пӯсмум порат, āви халныл сисгум-рōӈхим Сакӈ-Пальпа- Ӯринэква кональ ты квāлапас. Вассыг ам нэмхōтпа ат вāсум. Матум-Эква кантмаявес, нōх-люлюмтас, яныг ōрассуп* āлмаяс, ёхтум хум пуӈкыт юныгтастэ. Тав āхвтасыг тув та овумлас. 4 Апсияге хоса ман вāти ōлсыг. Урхатсыг, ӯрхатсыг, кацкēн ювле ат та ёхтыс. Ань ос котиль хумияныл āпситэ нопыл лāви: — Наӈ хультсэн, āпсикве, ам ялэгум, ягпыгамēн тинсылум. Эрӈ хōт хōнтылум. Холытан квāлсыг, каӈке минам лёх хосыт та мйнас. Хоса, ман вāти мйнас, матыр мат янн ёхтыс. Сāв мат ӯринэква, сāкваляк я вāтат ӯнлэгг, ёмыгтэгг. Сунсы, тāн āрпи вāрēгыт, тōват яӈк ӯмēгыт, тōват яӈк пувтэгыт. 5 Тав тув ёмантас, титыглахты: — Я, мāхум, мāныр вāрегын? Ӯринэкват, сāквалякыт та сōнтамасыт, рōӈхалтахтасыг. — Наӈ хотыл йинэ нāй хум, ōтыр хум? Сунсэн, мāн хӯл алн āрпи вāрēв. Нац ос хоталь минэгын? — Ам каӈкум хосат хотталь мйнас нэ тинсуцкве. Ань тыг мос иӈ та āтим. Нāн хōт таве ат вāслына? Ӯринэкват, сāквалякыт тав нопылэ лāвēгыт: — Вāслув. Тав тыг ёхталас. Мāн таве колувн юв тēтыслув, тувл хотталь мйнас, мāн ат вāглув. Нац мāн колувн ялэн, мāн сянюв эква юн ōлы. Нац каӈкын хоталь мйнас, тав эрӈ вāггэ. Тав нацын лёнхе хӯлтытэ.
Made with FlippingBook
RkJQdWJsaXNoZXIy MTY3OTQ2