Мифы, сказки, предания манси (вогулов). - 2005. (Т. 26.)

Я-та, ёл та тартавес аквта олн āпатэтыл. Аквта нāук тытэн та тāрматвес. Вассыг акваг хот ат тыпи, ань ōйкатэ палт та хāйты. Ōйкатэнтыл та ōлмаясыг, ань та сюнёг, ань та хӯлэг. 8. САКӇ-ПАЛЬПА-УРИНЭКВА Хӯрум ягпыг ōлэгыт. Хоса ман вāти ōлсыт. Аквнакт яныг хумия- ныл лāви: — Ам хотталь ялэгум, нэ хōтпа тинсасьлэгум. Холытан квāлсыт, тав та мйнас. Пууке хоталь ōлы, сыпе хоталь ōлы, та мйны. Хоса ман вāти мйнас, аквмат янн ёхтыс. Сāв ӯринэква, сāкваляк акван атхатамыт, я вāтат ты ёмыгтэгыт. Тав сунсы: тāн āрпи вāрēгыт, тōват яук ӯмēгыт, тōват яук пувтэгыт. Тав тув ёмантас, титыглахты: — Ӯринэкват, сāквалякыт, нāн тыт мāныр вāрегын? Уринэкват, сāквалякыт та сōнтамасыт, рōухалтахтасыт: — Наӈ хотыл йинэ нāй хум, ōтыр хум, самагн ат нāӈтēга, мāн хӯл алысьлан āрпи вāрēв. Наӈ ос хоталь минэгн? — Ам нэ тинсасьлаукве минэгум. Уринэкват, сāквалякыт тав нупылэ лāвēгыт: — Нау, тэхам, мāнав āрпиюв вāруукве нётэлн. Мāн саку пальпа эсь ōньсēв, науын ӯнттылув. Ёхтум хумияныл лāви: — Нāн матхурип эсь ōньсēгн, ам ат вāглум. Ӯринэкват, сāквалякыт лāвēгыт: — Ат ти вāглын, мāн колувн пāг мйнэн. Мāн эсюв нау тот касалылн. Ань хум сунсы, я āлмпāлт кол ӯнлы. Тав та колн та мйнас. Тув ёхтыс, āвитэ пӯнсыс. Āви халныл акв товлуп, Саку-Пальпа-ӯринэква сисгим, рōухим кон та квāлапас. Тав юв сялтыс, тот акв Матум-Эква ӯнлы. Экван титыглаве: — Нау хотыл ёхтум нāй хум, ōтыр хум, хоталь минэгын? Тав кол янытэтыл сунсыгласгэ, саку пальпа āги ат кāсалас. Тувыл лāви: — Ам, āквм эква, нэ хотпа тинсасьлэгум. Эква мось сӯп-нэлмтāл ōллыгтас, тувл ōс титыглахты: — Хоты ōвылныл нау йисн, ам пыганм, āгиянум хōт ат вāсана?