Мифы, сказки, предания манси (вогулов). - 2005. (Т. 26.)

17 Ōс этимлас, ōйка ювле ты ёманты: колэ нāйыл тэг. Та сягтыс, ёхтытас, юв сялтапас, вассыг ман: нэтэ ӯнлы! — Мōлал ӯвсьтēгын таимāгыс та кос ханисьтасагум, лāтыӈ ат хӯнтласыг, та тāяпавесрисиг, — ань хум лāвыс. Хоса ōлсыг, вāти ōлсыг, аквмат пыгрись ты ōсьсыг. Аквмат эртн экватэ юв ты воратацкве патыс, лāви: — Пыгум наӈ палтын вос хультсы, ам юв ялэгум. Ōйкатэ лāви: — Наӈ ялсэн, хуйен, хōтал ул ōлэн, юв ййен. 18 Ань нэ та тахас, та мйнас. Юв ёхтыс, юн та ōлы. Эт хӯйяс, лāви: — Аквман хōталрись ōс ōлэгум. Та ōлс, холытан квāлс, та минмыгтас. Та ёманты. Тох миныматэ мōлал вōйыл сартум нāӈкаге хōвтаге палт ёхтыс, хот-тыпыс. Та кос ёмыгты. Этимацкве патыс. Нāцк тытн та ӯнтыс. Та ӯнлахōлы. Аквэртн матыр ты лӯргалтаве. Аквмат олн āпа тав элыпāлэн тыг ты патыс. Я- ты, ань āпа тйвырн ты хуяс. Нōӈхаль та хассумтавес, та холыгтаве. Нōх тōрумн та хāхтувес. Хōтал-Экв колн тув та тӯлвес. 19 Та ōлэгг. Эгипāлаг нāй ӯнтнэ порат Хбтал-Эква ты ёхтыс. Увськвēг ань нэ та ōсьмаявес. Алпыл квāлы Хōтал-Эква, минуӈкве паты, лāви: — Увсьтēн хасап тйвырн ул вос āӈкваты, тув ул тāратэлын. Тав ман няврамыт тайи хунь уральтэгт! Тав ӯнлахōлыматэ номсы: «Ам ань хасап сāйн аманрыг ат тāра- тāвем? Тув вос āӈкватāлнувум». Тув хасап тйвырн āӈкватас ōйкатэ няврамыӈ тāгыл люньсим ты ёмыггы. Ань нэ хот та люньсялтахтас 20 Ань сяняныл этипалаг ты ёхтыс, лāви: — Ам ты лāвēгум, увсйн хасап тйвырн ул тāртэлын. Тан лāвēгыт: — Ати, ат тāртāлыслув. — Хоталь ат тāртāлыслын! Аквмат самвитанэ тыттыят, ам кāт аламт тытгы люлёгыт. Я-та, аквмат эртн Хōтал-Эква лāви: — Я, миннӯвын? — Миннӯвум, няврамрисюм люньси.