Мифы, сказки, предания манси (вогулов). - 2005. (Т. 26.)

Ōйкатэ тав сāнсэн пуӈкте пиныстэ. Паляге нупыл хōнтыс — на- сати, такви ōньсиглам пыге: такви мāгум пальсимсякаге палēт люлēг. (Пупакве мōлал тыи та мостум, таи мāгыс āгитēтэ та ханьсьтас- тэ, тав ӯсыӈ-Ōтыр-Ōйка пыг кувысь тйвырн ул вос сялты, ӯсыӈ-Ōтыр- Ōйка кувысь тйвырн вос сялты). Аāви: — Элмхōлас йисыӈ тōрум, элмхōлас нотыӈ тōрум ӯнтхаты, элм- хōлас такви ōньсям сяне палт ул вос ликми, Нуми-Пос Āсюм палт мāхманум хоталь тēлаясыт, тув вос тēлаēгум. Касай вис и таквинāтэ аластэ. Ань та ōлэгт, ань та сюнēгт. Сяр тōрумт, пуӈкпатгат нила сāмпа нила сов, аква посыӈ, тай тāн та, ёлыннув хӯрум сов — тай тāнттēныл тēлаялум мāныл пупак- вет. 6. МŌСЬНЭГ ПОРНЭГ Мōсьнэг Порнэг аквъёт ōлэг тэнттетэн пāвылт. Мōсьнэ āлмпāлн ялс. Нāлув ёмантас, лāви: — Сэмл ӯйтēгм, выгыр ӯйтēгм хулюмтэн! Сэмл ӯйтēтэ хулюмтас, та сысн тāлс, āлмпāлн унсыс. Пāг квāлс, та ёманты, элаль сунсы: акв кол ӯнлы, та колн юв сялтыс, акв эква, Яныг-Эква* ӯнланты. — Я-та, — лāви, — апыгквē, ам ань сахисуприсюм юнтсэлн. Я-ты, апыгтēтэн та юнтсāве. Āкве пӯт та вāри. Нёлныл нёл тирп- лōмт хусматас, пальныл пал хантлōмт хусматас, пӯт та вāри. Ань нэ нэмхотум ат лāви, нас āӈкваталы. Āкве пӯтэ āстыс, пāг āлмыстэ. Осэ акваг вōил хулиглам, пōлям вōил пōлима. (Татем вōиӈ полхыт та...) Я, тувл лāви: — Апыгквē, ам пуӈкум тинсэлн. Апыгквē, лāвен: «Та мат нёлка- пайн сāснёл хурипа!» — Ты манрыг тох лāвитен, āквмēкв, наӈ мань нёлп-самп нэкве ōлмын мāнь порат. — Апыгквē, лāвēтен: «Кāт капаягн тай сяр āрась хилне мāнтыг».