Мифы, сказки, предания манси (вогулов). - 2005. (Т. 26.)

Мāхманэ минасыт, аквмāн ӯнтгыгпасанэ. Та ōлы. Титыт этыг ēмтыс, ōс тотвес, ōс вāтуӈкве лāвсувес. Тав лāви: — Нāн минэгын, усь. Ōс тāн минасыт, оста аквмāн ӯнтгыгпасанэ. Хӯрмит этыг ēмтыс, ōс тотвес. Ōс вāтуӈкве лāвсавес. Тав ōс лāви: — Нāн минэгын, усь. 6 Ōвыл парманыл эт нāйвань хусапт суйтэгыт, люсьнэныл суйтэгыт: — Аквсыр уттēв āтим, ул акватēв палт ōлы. Тав юв-сялтапāлс, āнысуп āлмаяс, тув та хāйттастэ. Титыт эт тӯйт пōсьгын лёх патгат суйтэгыт, люсьнэныл суйтэгыт. — Аквсыр уттēв āтим, ул акватēв палт ōлы. Тав юв сялтапāлс, āнысуп āлмаяс, ōс тув хāйттастэ. Хӯрмит этыг ёмтыс, нāйватн лёх паттат суйтэгт: — Аквсыр уттēв āтим, ул акватēв палт ōлы. Юв сялтапāлс, юиōвл āнысуптēтэ āлмаяс, оста хāйттастэ. 7 Оматэн аниглавес, сыпгувес, лāви: — Мāнь-Мōсьнэ āгитем, элмхōлас ййсыӈ тōрум, нотыӈ тōрум унт- хаты, мāнав Нуми-Пос-Āсиныл тувл сунсыглэлн, тув та тēлаēв. Ань, — лāви, — юв-сялтэн, мāн парссув. Аниглахтасыт, сиппыгхатасыт, титгыг та минасыт. 8 Та юипал хōтал ōс юв касилтаукве патвес. ӯсыӈ-Ōтыр-Ōйка колн та сялтыс. ӯсыӈ-Ōтыр-Ōйка сяр мāнь пыге палт та ӯнттӯвес. Татем тēлп пуӈкуп нётнэ хумкве, акваг пӯмсиг ōлы! Хоса мāн вāти ōлсыг, ōлыматэн ōйкатэ лāви: — Ам пуукум тинсэлн. Мāнь-Мōсьнэкве лāви: — Тинсылум.