Мифы, сказки, предания манси (вогулов). - 2005. (Т. 26.)

— Пыгрисятем, — лāви, — хоталь тотаслын?! — Ам мат, — лāви, — пыгрись хунь ōсьсум! — Хурум эт сыс ам ты ёхталасум, вāглын? Хāссытым, таӈквитым тай ты ōлсум! Ань нэ нэматыр ат лāвыс вассыг. Ань хум сып сагрын тёр вис, сыпе супыг та саграпавэс Хум та мйнас. Лӯпта — пум тэлуӈкве патыс, ань нэ порыг каныг тэлыс Апа āпсьтēв тув ёхтыс, юв-вāтвес. Та ōлы, олыматэ хурум няврам кāтн паттыс: аква — элмхōлас, титыг — такви хурипатэ сӯсамыг. Янгыгнув ēмтсыт, ёнгуӈкве патсыт, оманыл лави: — Сака ул āпрамтахтэн, хōнтавэв. Хуюӈкве патсыт, нявраманэ пуссын патта нупыл хуюптасанэ, так- ви-кональ. Лави: — Хуимав хōнтавēв ӯсыӈ-Ōтыр-Ōйка пыгытн, мāн кон-вивēв. Элмхōлас хурип āгитэ нупыл лāви: — Наӈ тах тӣвырт хультэгн. Сув тйвырн мāгаве, ханса тагатэн. Тāн тах лāвēгп «Акв элмхōлас ōлнэтэ». Титнтыг сув тйвырн мāгаве, тув консыгтахтэн. Тувл тах ӯсыӈ-Ōтыр-Ōйка пыгыт кӯвысь тйвырн ул сялтэн, кон-поварттахтэн. ӯсыӈ-Ōтыр-Ōйка кӯвысь тйвырн сялтэн. Сōль, мось ōлсыт, ты ёхтувēсыт. Мāхманэ кон-войвēст, ōс сув тйвырн мāгвес, ханса тагатас. Тāн лāвēгыт: — Элмхōлас ōлнэтэ! Титнтыг сув тӣвырн мāгвес, тув та консыгтахтас. ӯсыц-Ōтыр-Ойка пыгт кӯвысь тӣвьфн мāгуӈкв патвес — кон-поварттахты. ӯсыц-Ōтыр- Ōйка кӯвысь тйвырн та сялтыс. Юв тотвес, мāхманэ ёт юв ат таӈхи. Такви колн та сёпитавес Тувл ōлэгт, йӣквуӈкве патвēст. Мāхманэ сы- рутыл ты тотвес. ӯсыӈ-Ōтыр-Ōйка āгит лāвēгт: — Вāтэн*. Тав лāви: — Нāн минэн, таях амти хультэгм, усь.