Мифы, сказки, предания манси (вогулов). - 2005. (Т. 26.)

Н А С М ОЙТЫ Т 4. МĀНЬ-МŌСЬНЭ ОС МĀНЬ-МŌСЬХУМ 1 Мāнь-Мōсьхум ягāгитэнтыл ōлэг. Ягāгитэ этэ хōталэ нёхс вāрнут, ӯй вāрнут та вāри. Мāнь-Мōсьхум тай этэ хōталэ та ялы сэмлуй, выг- руй алым. Аквнакт āпситэ вōрн мйнас. Тав вāрнут вāрнэтэ халт ном- сы: «Āпсим ты ёхты, пӯт вāрēгум, колканн вāглэгум». Тав пāлт ӯнлы. Тӯп колканн вāглыс, ань нэ пуӈксовēныл нōх та хассумтāвес. Нōх хассумтанэтэт матыр та лӯраты. Ань нэ ёмас палыт та ханасьлы. Тувл ёл та тāрматаве. Ань путэ ты тагматытэ молямтахтым. Апситэ ёхтын мос вос āстыгпас. Āӈкваты: āпситэ тытты юв! Молямтахтым пӯтэ пāг āлмаитэ, ӯсюм āпситэ тыттуӈкве эри. Тувл тэӈкве та ӯнтэг, тэтыг. 2 Холытаныг ēмты, ōс āпситэ мйны вōрн. Ань нэ ōс вāрнутэ пōхан пинумты, ōс аквта хольт пут вāри кос. Пӯтэ тӯп тагатаӈкве ēмталастэ, ōс ты пуӈксовēныл нōх-тагматвес Ōс та ханасьлы. Тувл ōс та ёл-тāр- матвес аквта хольт. Āпситэ та юв. Ань нэ пӯтэ āстуӈкве ат āлымас, пāг āлмаястэ, āпситэ тыттыстэ ат āстум пӯтыл. Āпситэ ōс нэматыр ат лāви, нас та ōлы. 3 Холытан ōс хӯрмиттыг ты мйны, āлпыл Āпситэ мйнас, ань нэ ōс вāрнут та вāри, та юнты. Пӯт вāрнэ пораг ēмтыс, ōс колканн вāглыс, аквта хольт оста нōх-хассумтāвес пуӈсовēныл. Тувл ягпыге ёхтуӈкве ляпамас, ōс ты ёл-тāрматвес. Āпситэ та юв. Ань нэ ōс пӯтэ тагматыг- ластэ. Āпситэ ёхтыс, пӯтэ ōс няртāгыл пāг та āлмаястэ. Ань тэӈкве патэг, ягпыге лāви: — Пӯтын манрыг хӯрмит хōтал пāсыл няр?