Мифы, сказки, предания манси (вогулов). - 2005. (Т. 26.)

3 Мось ōлсыг, ōс нэглапас, ōс аквта лāтыӈ, аквта номт. Мōсьнэквē лāви: — Наӈ сака те таӈхēгн, тāяпēлн! Вуссыг тав нэматыр ат лāвыс, сӯпнэлмтāл та ӯнлы. Акватэ тай кональ та вуськасахтас*. Порнэтэ минам юйпалт Мōсьнэквē пыг- рисятēтэ тōтап тйвырн сёпитастэ, туманыӈ тōтап тйвырт ōньситэ. 4 Хоса ōлсыг, вāти ōлсыг, аквмат эртн ōйканэн вōрныл юв ты ювыг. Мōсьнэквē пыгрисятēтэ нōх-лэгматыстэ, лāви: — Āтян та юв. Мйнэн, āтян ляльт хāйтэн. Пыгрисятēтэ āтятэ ляльт та хāйты. Āтятэ палт ёхтыгпас, нōх- āлмаявес, та аниглаве, та сыпгаве. Порнэ, насати, рāкт няврам вāрум ōйкатэ ёхтын кастыл. Кон квāлапас, рāкт нявраме нōх-тӯсьтыгпитэ*, лāви: — Мйнэн, хāйтэн, āтян та юв. Нявраме ат хāйты. Тыгле рагаты, тувле рагаты. 5 Порнэ рāкт няврамē те хāйталтас, элмхōлас йисыц тōрум ӯнт- хатнув, элмхōлас няврам рāкытныл пōсьгынув, тох та вāрнуве. Нэ хōтпа ат саваланув. Мā ӯнтум мōйт тамле та.