Мифы, сказки, предания манси (вогулов). - 2005. (Т. 26.)

2. МА ТЭЛУМ, МА ТАКМАЛТЫМ МŌЙТ 1 Лӯлы тав ōлуӈкв Экваг Ойкаг палт ёхтыс, Эквагн Ōйкагн тав лāваве: — Мēн ōлнэ мāмēн сака мāнь, — лāвег, — эри мā хотмос тинсуӈкве*. И Лӯлы тēтвес тав ёлы мāнн*. Та ялы, та ялы и воныцалн ёхты. 2 Ōс титнтыг мйны, ос ялы-ялы, ōс воныцалн ёхты. Хӯрмиттыг ялы, сӯптāгыл мāнь мā лōмт тоты. Тайи пиныяныл, эт яныгми, хōтал яныг- ми. Хуньт тах элмхолас йисыӈ тōрум ēмты, элмхōлас нотыӈ тōрум ēмты, элмхōлас хōт паты ōлуӈкве? Элмхōлас тав ēмты тах. Мā що- ровн* эри тах. 3 Мā ēмтыс; Лāвуӈквē те, тав тыгле-тувле хумплы, аквтоп мат лы- пась ōлы. Я, тамле мā нёрт ты, āхвтас тāратавес. Тав вос, ань тāрвитыц вос, ул вос нёвсы вассыг. Мōтщир ти нёр āтим ōлм. Мā ущ та, ущ та састумыг ӯнлуӈкве патыс, вассыг ат нёвсы. 3. ПОРНЭ РĀКТ НЯВРАМ ВĀРИ 1 Мōсьнэг Порнэг акв пāвылт ōлэг. Ōйкагэн алысьлаӈкве вōрн минасыг. Тэн юн хультсыг, тэнтгетэн пāвылт. Тэн сас пыгрисяквēг ōньсēг. Аквнакт Порнэ ты сялтапас, лāви: — Мōсьнэквē, нявраманмēн юв-тэгананмēн. Мōсьнэтэ лāви: — Тый ос наӈ манрыг тох потыртэгын?! Тэн вус яныгмēг, хāй- тыгтэг. Порнэтэ кон та квāлапас*, нас хосувлахтыглас*. 2 Мось ōлсыг, осты нэглапас* ōс лāви: — Мōсьнэквē, нявраманмēн юв-тэгананмēн. Мōсьнэтэ ōс аквта лāтыӈ, лāви: — Наӈ манрыг тох мори потыртэгын, нас ōлэн. Порнэтэ лāтыӈ āти, потыр āти, кональ та нямкасахтас, топ āвитэ рōхсатāлыс*.