Мифы, сказки, предания манси (вогулов). - 2005. (Т. 26.)

хōнтыстэ; акваг та кāньсюм, луве āтим, нёвле атим. Лылы-эпыл пӯв- ласастэ; мōлал маныр лӯв ōлс, усь та ёмас лувыг ēмтыс. 23 Ань Тары-Пēсь-Нимāля-Сов лунт-хурил луве сысн та исыс, нэтэ товлыл мины. Хāӈхилтап-тытын ёхтēг, Хōтал=Эква-Āги, Эт=пос-Āги тот лувыц āнасыл, мисыӈ āнасыл элал нёвумтасыг. Хоса минаст, вāти минаст, сярысь=котиль-вит==хōн-ӯс=āви пӯсхатас, Вит=Хōн-Āги тӯвл кон нэглыс Элаль нёвмтаст. Тāн пāланылт вит-хӯлэ, лунтэ-вāсэ овтнэ вит хойтыл нас овтэгт, нас нёрыглэгт. Хоса минаст, вāти минаст так­ ви ӯсэн та ёхтыст. Сяняге=āсяге-нӯпыл акван лаквсыт; аниглахтсэт, сыппыгхатсэт. Та хурип ӯс та тэлс миннэ тул сылын ӯнлы, хайтнэ тул сылым ӯнлы. Лылыӈ сорни овмыц кол ӯнтхатс, лылыӈ сорни овмыӈ ӯс ӯнтхатс. Нёхс хантал акв лēӈк āтим, ӯй хантал акв лēӈк āтим. Сорыӈ тэп, мāгыӈ тэп пасан вāрвес; тэст, айсыт. Тэнэнл, айнэнл халт сяне лāви: «Хонал элм-холас йисыӈ тōрм ӯнтхаты, элм-холас нотыӈ тōрм ӯнтхаты; савыӈ сāхип сав нэ, савыӈ сāхип сав хум ӯнлынэ хо­ таль ōлнэ нāиӈ сāмнэ, хоталь ōлнэ ōтырыӈ сāлшэ āньтыӈ хāр* йи- рыл тӯсьтавен, тохыӈ хāр йирыл тӯсьтавен!» Ань коланылт пуӈке саме маниггастэ, хōт нэтэ ёт ёл та хуяс Холытан нōӈх сайкалас, кāтэ на- рыгтас: рēгыц мāн хōяс, лаглэ нарыгтас: рēгыц мāн хōяс Сяняге-āся- ге тав-пāлт сялтсыг, сяне лāви: «Наӈ пыгкве! Елы Тōрумт* та ōлэгн, Нуми Тōрумна* мēн та минасамēн. Хонал элм-холас йисыц тōрм ӯнт- хаты, элм-холас нотыӈ тōрм ӯнтхаты; ёлы тōрумт наӈ Мир-Суснэ- Хумыг ōлэн, āсен Нуми-Тōрумт Нуми-Тōрмыг вос ōлы, ам Калтасиг* ōлэгм». Хӯрум мāна та минаст. Та сюнянылт, та хōланылт ань та ōлэгт, ань та сюнегт.